Раққа

Уикипедия — ашық энциклопедиясынан алынған мәлімет
Jump to navigation Jump to search

Раққа немесе Әр-Раққа (араб.: الرقة‎‎‎; кейде орыс тілінен енген Ракка/Эр-Ракка атауымен аталады) — Сирияның солтүстігінде орналасқан қала, Раққа облысының (мухафаза) орталығы. 2013 жылдан бастап Ислам мемлекетінің бақылауында, осы ұйымның штаб-пәтері (елордасы).

Раққаның негізін селевкилер патшасы Селевк II Каллиник (көне грекше: Σέλευκος Β' Καλλίνικος) біздің заманымызға дейін 242 немесе 244 жылы Каллиник қаласы ретінде салған. Византия империясының кезінде қаланың аты Леонтополь болып өзгертілді. Қала 542 жылы парсы патшасы Хұсрау Анушриван бастаған жорықтың кезінде жойылды, бірақ император Юстиниан І кезінде қайта құрылды. 639 жылы қала мұсылман арабтардың қолына өтті. Сол кезден бастап Раққа деп атала бастады. 796 жылы халифа Һарун әр-Рашид Раққаны өзінің резиденциясы ретінде таңдайды және қала 13 жыл бойы Аббасилер халифатының ресми астанасы болды. Халифат астанасы Бағдатқа көшкеннен кейін Раққа империяның батыс бөлігінің орталығы болып қалды. Раққа 1260-шы жылдары моңғол шапқыншылығының кезінде жойылды, соңғы тұрғындары 1288 жылы қайтыс болды. XVI ғасырдан бастап Раққа Осман империясының кеден бекеті ретінде қайта жанданды. 1864 жылы Раққада тұрғындар қоныстана бастады. 1950-шы жылдардағы бұрын соңды болмаған мақтаға деген сұраныстың әсерінен қала тұрғындарының саны күрт өсті. 2013 жылдың наурыз айында Раққа шайқастың нәтижесінде Ислам мемлекеті ұйымының қолына өтті. Қазір Раққа ИМ-нің елордасы саналады.