Реактивтік қару

Уикипедия — ашық энциклопедиясынан алынған мәлімет
Jump to navigation Jump to search

Реактивтік қару (Реактивное оружие) — қозғалтқыштың реактивтік тартылысы есебінен нысанаға жою құралдары жіберілетін қару түрі. Реактивтік қару түріне: дүркінді атыстың жер үсті авиациялық және теңіз реактивтік жүйелері және реактивтік гранататқыштар жатады. Реактивтік қозғалыс принципінің пайдаланылуы нәтижесінде реактивтік қарудың ату кезінде кері тебуі болмайды, бұл көп ұңғылы, кіші габаритті және құрылғысы бойынша карапайым ұшыру қондырғыларын құруға мүмкіндік береді. Реактивтік жүйелердің көп зарядтылығы атысының үдемелі болуына және біршама кең алаңдарда орналасқан нысаналарды жоюға жағдай жасайды, ал дүркінді атыс қарсыласқа тұтқиылдан және барынша нәтижелі соққы беруді қамтамасыз етеді.

Реактивтік қару-жарақ[өңдеу]

Реактивтік қару-жарақ (Реактивное вооружение) — ұрыс зарядтары бар реактивті снарядтар мен оны тасымалдауға, ұшыруға арналған қондырғылар. Қазіргі реактивтік қару-жарақтың неғұрлым кең тараған түрлері:

  1. автомашиналардағы дөңгелекті лафеттер мен сауытты тасығыштардағы көп зарядты ұшыру қондырғыларынан дүркіндете атуға арналған дала артиллериясының реактивті снарядтары;
  2. таяу кашықтықтағы қарсылас танкілерімен күресуге арналған танкіге қарсы қару;
  3. реактивті авиациялық снарядтар;
  4. бірнеше жүздеген км қашықтыққа атуға арналған реактивті снарядтар;
  5. реактивті қозғалтқыштары бар снарядты ұшақтар.[1]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: Әскери іс. Алматы: «Мектеп» ААҚ, 2001 жыл