Реприза

Реприза (франц. reprise – қайталау) – 1) музыкалық шығарманың белгілі бір бөлімін қайталау. Шығарманың бөлімі бір рет орындалысымен, ол ешбір өзгеріссіз сол күйінде тағы да бір қайталанады; немесе басқа бөлімнен кейін қайталанады. Мыс., 3 бөлімді формада шығарманың 2-бөлімінен кейін келетін 3-бөлімі, негізінен, шығарманың 1-бөлімін түгелдеу қайталау болып табылады. Бұл көбінесе, нотада жазылмайды да da capo деп көрсетіледі, яғни шығарманың басынын қайталау; 2) Цирк немесе эстрада артистері орындайтын күлкілі шағын нөмір.