Ресей Қауіпсіздік Кеңесі
| Ресей Федерациясының Қауіпсіздік Кеңесі орыс. Совет Безопасности Российской Федерации | |
|---|---|
| |
| Жалпы мағлұмат | |
 Ресей
| |
| Құрылған уақыты | 5 наурыз 1992 |
| Оның алдындағы мекеме | КСРО Қауіпсіздік Кеңесі |
| Штаб-пәтері | Мәскеу, Ресей |
| Төраға | Владимир Путин |
| Төраға орынбасары Хатшы |
Дмитрий Медведев Николай Патрушев |
| Ресми сайты | |
| scrf.gov.ru | |
.jpg)
Ресей Федерациясының Қауіпсіздік Кеңесі (орыс. Совет Безопасности Российской Федерации; РФҚК, Совбез) — Ресей президентінің ұлттық қауіпсіздік мәселелері мен стратегиялық мүдделі мәселелер бойынша президенттің шешім қабылдауын қолдайтын конституциялық консультативтік орган. Ресейдің жоғары мемлекеттік шенеуніктері мен қорғаныс және қауіпсіздік органдарының басшыларынан тұратын және Ресей президенті төрағалық ететін Совбез ұлттық қауіпсіздік саясатын үйлестіру және біріктіру форумы ретінде әрекет етеді.
Тарихы, өкілеттігі және рөлі[өңдеу | қайнарын өңдеу]
РКФСР Қауіпсіздік Кеңесін 1991 жылғы сәуірде РКФСР Президенті лауазымымен бірге Ресей Халық депутаттарының съезі заңды түрде құрды (ол кезде РКФСР КСРО-ның құрамдас республикаларының бірі ретінде жұмыс істеді). Ресейдің 1993 жылғы Конституциясының 83-бабында Ресей президентінің Совбезді құратыны және басқаратыны, сонымен қатар Совбез мәртебесінің федералды заң арқылы анықталатыны айтылған.[1][2][3][4]
2010 жылғы Қауіпсіздік туралы заңда Совбездің құқықтық мәртебесі Ресей Федерациясының қорғаныс және ұлттық қауіпсіздік салаларында президенттің шешімдерін әзірлеумен айналысатын «конституциялық консультативтік орган» ретінде анықталған.[5] Совбез құрамына оның төрағасы (Ресей президенті), хатшысы, тұрақты мүшелері және президент тағайындайтын өзге де мүшелер кіреді.[6] Заңға сәйкес, Совбез хатшысын президент тағайындайды және хатшы оған тікелей бағынады.[7]
Совбез шешімдерін оның тұрақты мүшелері қабылдайды және оларды іске асыру мақсатында жарлықтар немесе өкімдер шығара алатын президент бекітеді.[8]
2020 жылғы 16 қаңтарда президент және Совбез төрағасы Владимир Путин тиісті заңдарға өзгерістер мен толықтырулар енгізетін жарлыққа қол қойды да, сол арқылы Қауіпсіздік Кеңесі төрағасы орынбасарының жаңа мемлекеттік кеңсесін құрды.[9] Сол күні президент Путин бұл жаңа лауазымға Дмитрий Медведевті тағайындады.[10]
Құрылымы[өңдеу | қайнарын өңдеу]
Тұрақты мүшелері[өңдеу | қайнарын өңдеу]
2024 жылғы 1 сәуірдегі жағдай бойынша:[11]
| Аты-жөні | Лауазымы |
|---|---|
| Владимир Путин | Қауіпсіздік Кеңесінің төрағасы (Ресей президенті ретінде) |
| Дмитрий Медведев | Қауіпсіздік Кеңесі төрағасының орынбасары |
| Николай Патрушев | Қауіпсіздік Кеңесінің хатшысы |
| Антон Вайно | Ресей президенті әкімшілігінің басшысы |
| Вячеслав Володин | Мемлекеттік думаның төрағасы |
| Сергей Иванов | Қоршаған ортаны қорғау, экология және көлік жөніндегі Президенттің арнайы өкілі |
| Владимир Колокольцев | Ішкі істер министрі |
| Сергей Лавров | Сыртқы істер министрі |
| Валентина Матвиенко | Ресей Федерация Кеңесінің төрайымы |
| Михаил Мишустин | Ресей Федерациясы Үкіметінің Төрағасы |
| Сергей Нарышкин | Сыртқы барлау қызметінің директоры |
| Сергей Шойгу | Қорғаныс министрі |
Дереккөздер[өңдеу | қайнарын өңдеу]
- ↑ Совет Безопасности Российской Федерации (орыс.). Ресей Федерациясы Қауіпсіздік Кеңесінің ресми сайты. Тексерілді, 2 сәуір 2024.
- ↑ Постановление Верховного Совета РСФСР от 24 апреля 1991 года № 1099-I «О порядке введения в действие Закона РСФСР „О Президенте РСФСР“»
- ↑ Закон РСФСР от 24 мая 1991 года № 1326-I «Об изменениях и дополнениях Конституции (основного закона) РСФСР»
- ↑ ПРИНЯТ ЗАКОН РСФСР «О ПРЕЗИДЕНТЕ РСФСР» (орыс.). Ресей Президенттік кітапханасы (24 апреля 1991). Тексерілді, 2 сәуір 2024.
- ↑ Статья 13. Совет Безопасности (орыс.). consultant.ru (28 декабря 2010). Тексерілді, 2 сәуір 2024.
- ↑ Статья 15. Состав Совета Безопасности (орыс.). consultant.ru (28 декабря 2010). Тексерілді, 2 сәуір 2024.
- ↑ Статья 16. Секретарь Совета Безопасности (орыс.). consultant.ru (28 декабря 2010). Тексерілді, 2 сәуір 2024.
- ↑ Статья 18. Решения Совета Безопасности (орыс.). consultant.ru (28 декабря 2010). Тексерілді, 2 сәуір 2024.
- ↑ Внесены изменения в некоторые акты Президента Российской Федерации (орыс.). Ресей президентінің ресми сайты (16 января 2020). Тексерілді, 2 сәуір 2024.
- ↑ Подписан Указ о Заместителе Председателя Совета Безопасности Российской Федерации (орыс.). Ресей президентінің ресми сайты (16 января 2020). Тексерілді, 2 сәуір 2024.
- ↑ Состав • Совет Безопасности • Структура • Президент России (орыс.). Ресей президентінің ресми сайты. Тексерілді, 2 сәуір 2024. Мұрағат көшірмесі 1 сәуірдің 2024 Wayback Machine мұрағатында