Реттелмелі баға

Реттелмелі баға / Реттелетін баға — өнімнің (орындалатын жұмыстың, көрсетілетін қызметтің) белгілі бір түрлерінің мемлекет реттеп отыратын бағасы. Көп елдерде бұл негізгі өндірістік тауарлардың, ауыл шаруашылығы шикізатының, көмірдің, энергия тасығыштың бағасы, жолаушылар тасымалының, байланыс қызметін көрсетудің тарифтері. Мемлекеттік билік органдары белгілейтін анықтамалық (прейскуранттық) баға реттелмелі бағаның бір түрі болып табылады; оның деңгейі ресми құжатта — бағанамада тиянақталады. Өндірушінің нарықтағы монополиялық жағдайында экономика үшін аса маңызды, әлеуметтік мәні зор өнімге (ресурстарға) пайдаланылады. Ол өнімді өткізу кезінде міндетті, сондай-ақ өнімді сатып алу-сату кезінде аныктамалық баға рөлін атқарады. Шекті баға да реттелмелі бағаға жатады. Оны белгілеу кезінде мемлекет немесе өндіруші белгілі бір тауарлар топтары бағасының шамасын шектейді, бағаның жоғарғы шегіме тұтынушылардың сатып алу қабілетін ұлғайтуға ынталандыра немесе төменгі шетімен өндірісті дамытуға ынталандырады.