Роберт Джон Дауни

Уикипедия — ашық энциклопедиясынан алынған мәлімет
Jump to navigation Jump to search
Роберт Дауни
Кіші Роберт Джон Дауни
[[Сурет:
Кіші Роберт Джон Дауни
|200px|]]
Қызметі

актер, продюсер, музыкант

Азаматтығы

АҚШ

Жұбайы

Сьюзан Левин

Роберт Джон Дауни (Robert John Downey; 4 сәуір, 1965 жыл, Нью-Йорк, АҚШ) - америкалық актер, продюсер, сценарист және музыкант. "Чаплин" фильміндегі Чарли Чаплиннін рөлін сомдағаннан кейін кеңінен танылды.

Өмірбаяны[өңдеу]

Кіші Роберт Джон Дауни Манхеттенде, Нью-Йоркте дүниеге келген, отбасында екі баланың кішісі. Әкесі - улкен-Роберт Дауни - режисер, актер әрі продюсер, анасы - Элси де актриса. Әкесі шығу тегі бойынша ирланд - орыс-еврей болып келсе, анасы неміс - шотландтық отбасында дүниеге келген. Үлкен Роберт Даунидің азан шақырып қойған аты - Роберт Элиас, алайда кәмелеттік жасқа толмаған күнінде ол өзінің өгей әкесінің тегін алады.

Кіші Роберт бала кезінен-ақ әкесінің шағын жобаларына катыса бастайды. Бес жасында (1970 жыл) "Pound" (Қора) фильмінде күшік рөлін сомдаса, жеті жасында (1972) "Грисердің сарайы" фильмінде ойнады. 1975 жылдан бастап классикалық балетпен айналысты. 1978 жылы ата-анасы ажырасып кетуіне байланысты әкесімен бірге Калифорнияға көшіп кетеді, бірақ 1982 жылы мектепті тастап, актерлік карьерасын жалғастыру үшін Нью-Йоркқа қайтып оралады.

20 жасында, 1985 жылы Дауни "Saturday Night Live" телешоуының командасына қосылады. Алғашқы теледидарлық тәжірибеден соң ол кинога біржолата бас бұруды шешеді де, Голливудқа көшеді. 1987 жылы ол Джеймс Тобэктің "The Pick-up Artist" комедиясында жетекші рөлдердің біріне ие болды. Бірқатар рөлдерінен кейін, ол өзінің бағын "Less than zero" фильмінде өмірден түңілген нашақор рөлін сомдайды. Бірнеше сәтті жобаларынын кейін, 1992 жылы Роберт Ричард Аттенбороның "Чаплин" фильміне түсіп, аты аңызға айналған комик кейіпінде көгілдір экранға шықты. Бұл рөлі үшін BAFTA жүлдесін иеленді. Көптеген сыншылар Робертті болашағы жарқын актер боларын сол кездің өзінде білді.

Алайда оның актерлік карьерасы енді қанат кағып келе жатқан осы кезеңде ол есірткіге тәуелділікті бастан кешеді. Осының нәтижесінде бірнеше жобадан қуылды, 16 айға Лос-Анджелес түрмесіне қамалды. Өзінің айтуынша оның есірткімен алғаш танысуы 8 жасында әрі әкесімен бірге болған еді. Есірткіге құмарлығынан бірінші әйелі, модель әрі әнші Дебора Фальконермен айырылысты. Екеуінің ортақ ұлы - Индио Фальконер Дауни бар.

Өмірін түкпірімен өзгерткен жайт - Сьюзан Левинмен кездесу еді. Өзінің ғашығы үшін ол емделу курсынан өтті. Кейін Роберт Сьюзанға ұсыныс жасады. Біраз уақыт өткеннен соң Роберт киноға қайта оралды. Жаңа әрі әсерлі фильмдерімен қатар ол жұртты керемет музыкалық туындыларымен де таңқалдырды.

Робертті расымен де жарқыратқан фильм "Темір адам" (Iron Man) болды. Осыдан бастап көптеген киностудиялар үлкен рөлдерге толассыз шақыра бастайды.

2008 жылы Бен Стиллердің "Тропикадағы дүмпу" ("Tropic Thunder"; "Солдаты неудачи") комедиясына түсті. Осы рөлі үшін бірнеше беделді мараттарға ұсынылды. 2009 жылдың соңында Гай Ричидің "Шерлок Холмс" фильмі шықты. Роберт онда танымал тергеуші Холмс рөлін орындады. Осы рөлі үшін "Алтын глобус" сыйлығына ие болды. 2010 жылы оның қатысуымен "Темір адам 2" кинотуындысы жарық көрді. Актер "Темір адамның" үшінші бөліміне түсуге келісімін берді. Ал, 2011 жылы "Шерлок Холмстың" екінші бөлімі "Көлеңкелер ойыны" шықты.

Жеке өмірі[өңдеу]

Кіші Роберт Джон Дауни 7 жыл бойына актриса - Сара Джессика Паркермен кездескен. (1984-1991) Оның алғашқы әйелі, айтып өткендей, Дебора Фальконер (1992-2004), ортақ ұлы - Индио (1993 жылы, 7 қыркүйек) Екінші әйелі - Сьюзан Левин (2005-әлі күнге дейін), ортақ ұлы - Экстон Элиас Дауни (2012 жылы, 7 ақпан)

Дереккөздер[өңдеу]


Сыртқы сілтемелер[өңдеу]