Роберт Пфенниг Августович

Пфеннинг Роберт Августович (1823, Киев,—16. 2. 1898, Ташкент) — музыка зерттеуші және этнограф. Киевтегі орыс музыка қоғамы бөлімін ұйымдастырушылардың бірі. Киев музыка училищесінің директоры болды. 1870 ж. Ташкентке келіп, өзбек, қазақ т. б. Түркістан халықтарының муз. творчествосын жинап зерттеді. Ғылыми-зерттеулік еңбектерінде қазақ өндеріне тоқтала келіп, олардың тұрмыстағы, қоғамдағы маңызын; муз. тілінің өзіндік ұлттық ерекшеліктерін, оның гармониялық негіздерін айқындап, жан-жақты зерттеді. Роберттің Қазан соц. революциясына дейінгі қазақ музыкасын зерттеуде үлесі мол.