Рудольф Вавлович Маречек
Маречек Рудольф Павлович (28.2.1888 – 28.2.1971, Алматы) – Жетісуда Совет өкіметін орнатуға белсене қатысушы, Верный қалалық партия комитетінің алғашқы председателі. Ол 1888 жылы 28 ақпанда дүниеге келген. 1917 жылы Компартия мүшесі. Новый Грозенков (Чехословакия) қаласында темір ұстасының семьясында туған. 1907 жылы Венада өнеркәсіп училищесін бітірді, Австрия-Венгрия қалаларында ағаш шебері, жол технигі. 1914 жылы Ресейге келіп, Кишиневте, Харьковте, 1917 жылдың жазынан Верныйда жұмыс істеді. Верныйда Совет өкіметін орнатуға қатысты. 1918 жылы 10 наурызда РСДЖ (б) П Верный уақытша комитетінің председателі болып сайланды. Алғашқы совет «Заря свободы» газетінің редакторы. 1918-20 жылы Қызыл Армия бөлімдерінде саяси комиссар, РК(б)П Прежевалск қалалық комитетінің председателі, Жетісуда «Новая заря» ауыл шаруашылық коммунасын ұйымдастырушы. 1921-25 жылы Чехословакия Компартиясы Жилин аудан комитетінің секретары болды. «Коммуну интергельпо» («Өзара көмек») коммунасын ұйымдастырды. 1925 жылы «Рефлектор» кооперативінің Москвадағы өкілі. Кейін Саратов, Ташкент, Алматы, Фрунзе, Пржевальскіде партия, совет шаруашылық жұмыстарында істеді. Совет-чехословак достығын нығайтуға зор еңбек сіңірді. Еңбек Қызыл Ту ордені мен және медальдармен марапатталған. Маречек 1971 жылы 28 ақпанда Алматы қаласында дүние салды.
Дереккөздер[өңдеу | қайнарын өңдеу]
М.Қаратаев. Қазақ совет энцеклопедиясы. 7 том.