Рустам Әнуарұлы Ыбырайымов

Рустам Әнуарұлы Ыбырайымов 1953 жылы 14 мамырда Алматы қаласында туған. Қазақ. Әкесі - Ыбырайымов Әнуар Ысқақұлы, марқұм, ҰОС ардагері, ІІО ардагері, милиция полковнигі. Анасы - Ыбырайымова Мамдуха Ғалымзанқызы, зейнеткер. КСРО ІІМ Қарағанды жоғары мектебін (1974) заңгер-құқықтанушы мамандығы бойынша; РФ ІІМ Академиясын (1992) басқару ісін үйымдастырушы мамандығы бойынша бітірген. Қазақ және орыс тілдерін біледі. 1974 жылдан - Алматы қалалық ІІБ Ленин АІІБ экономикалық қылмыстарға қарсы күрес бөлімшесінің инспекторы. 1977 жылдан - ҚазКСР ІІМ Экономикалық қылмыстарға күрес басқармасының инспекторы. 1980 жылдан - ҚазКСР ІІМ Экономикалық қылмыстарға қарсы күрес басқармасының АМІ жөніндегі аға инспекторы. 1982 жылдан - ҚазКСР ІІМ Экономикалық қылмыстарға қарсы күрес басқармасының бөлімше бастығы, 1983 жылдан - бөлім бастығының орынбасары, 1984 жылдан - бөлім бастығы. 1986 жылдан - ҚазКСР ІІМ партия комитеті хатшысының босатылған орынбасары. 1988 жылдан - ҚазКСР, ҚР ІІМ Экономикалық қылмыстарға қарсы күрес басқармасы бастығының орынбасары. 1992 жылдан - ҚР ІІМ Криминалдық милициясы Бас басқармасы бастығының орынбасары. 1993 жылдан - ҚР ІІМ Экономикалық қылмыстарға қарсы күрес жөніндегі Бас басқармасының бастығы. 1996 жылдан - ҚР МТК Экономикалық қылмыстарға қарсы күрес жөніндегі Бас басқармасының бастығы. 1997 жылдың қараша айынан - ҚР ІІМ Экономикалық полиция департаменті бастығының бірінші орынбасары, 1997 жылдың желтоқсан айынан - бастығы. 1998 жылдан - ҚР ІІМ Арнаулы полиция департаментінің бастығы. 1999 жылдан - «Интерпол» ҚР Ұлттық орталық бюросының бастығы. 2000 жылдан - ҚР Президенті Әкімшілігінің мемлекеттік-құқықтық бөлімінің мемлекеттік инспекторы. 2001 жылдан - ҚР Қаржы полициясы агенттігі төрағасының орынбасары, 2002 жылдан - бірінші орынбасары. 2004 жылдан бері - ҚР ЭҚСЖҚКА (қаржы полициясы) төрағасының бірінші орынбасары.

• Қаржы полициясының генерал-майоры.
• Саяси қайраткер ретіндегі идеалы - Н.Ә. Назарбаев.
• Қазақстанның болашағы туралы болжамы - «Жағымды болжам, елдің және оның азаматтарының өркендеуі».
• Хоббиі - балық аулау.
• Сүйіп оқитын әдебиеті - алуан түрлі.
• ¥лдары - Ыбырайымов Тайыр Рустамұлы (1982 жылы туған), Ыбырайымов Тимур Рустамұлы (2003 жылы туған).