Рысжамал Қадырқызы Аралбаева

Рысжамал Қадырқызы Аралбаева (1956 ж.) - педагогика ғылымдарының кандидаты, І.Жансүгіров атындағы Жетісу мемлекеттік университетінің педагогика және психология кафедрасының доценті. 1980 жылы Қазақтың Мемлекеттік Қыздар педагогикалық институтының тарих-педагогика факультетін бітірді. 1991 жылы Санкт-Петербург қаласындағы А.И. Герцен атындағы Ресей Мемлекеттік педагогикалық университетінде педагогика мамандығы бойынша кандидаттық диссертация қорғады. 1994 жылы І.Жансүгіров атындағы Жетісу мемлекеттік университетінің мектепке дейінгі педагогика кафедрасының меңгерушісі, 1995 жылдан университет Кеңесінің хатшысы қызметін атқарды. 1999 - 2001 жылдары Аға ғылыми қызметкер бола жүріп, "Жоғары білім эволюциясын әлеуметтік институт ретінде әлеуметтанулық талдау" атты тақырыпта докторлық диссертация дайындады. 1996 жылы Балтық педагогикалық академиясының (Санкт-Петербург) мүше-корреспонденті болып сайлаңды. Ресей әлеуметтанушылары Қоғамының, Қазақстан әлеуметтанушылары Ассоциациясының мүшесі. 2007 жылы "ЖОО-ның үздік оқытушысы" грантын жеңіп алды. 40-тан астам ғылыми еңбектердің авторы. Солардың ішінде: ҚР-дағы білім саласы әлеуметтік институт ретінде. Алматы, 2004.