Самбет Саттаров

Уикипедия — ашық энциклопедиясынан алынған мәлімет
Jump to navigation Jump to search
Портрет авторы Саттаров Әбдіғапбар Сәмбетұлы


Самбет Саттаров(1925-1990) — Ұлы Отан Соғысының, партия, совет, шаруашылық жұмысының ардагері. 1925 жылы наурызда Шымкент облысы, Келес ауданындағы "Абай" атындағы Колхозда дүниеге келді. Әкесі-Құлбаев Саттар, анасы-Құлбаева Нұржамал, 1929 жылдан өмірінң соңынадейін колхозшы-шаруалар болған.

  • С.Саттаров 1932 жылы мектепке оқуға барып, 1942 жылы Абай селосындағы "Ленин жолы" орта мектебінің кешкі бөлімін бітірді.
  • 1942 жылдың қыркүйегінен 1943 жылдың наурыз айына дейін Ташкент облысының «Шыназ» ауданындағы Ленин атындағы Колхозда бухгалтер болып істеген.
  • 1943 жылы наурыздың 19-да Совет Армиясы қатарына шақырылып, маусымның 10-на дейін Самарқан қаласында 368-ші запстағы атқыштар полкінің , полк мектебінің курсанты болды.
  • 1943 жылдың шілдесінен 1944 жылдың 25-ші шілдесіне дейін Ташкенттегі Ленин атындағы «Жаяу-әскер» Училищесінде оқып, оны бітіріп, Кіші Лейтенат дәрежесін алып шықты.
  • 1944 жылдың 25 шілдесінен 1945 жылдың 12 мамырына дейін Ұлы Отан соғысына қатысты. Әуелде 1-ші Беларусь майданының 69 армиясының 4-ші Бешицк атқыштар дивизиясының 39-шы атқыштар полкінде пулетшілер взводының командирі, 1945 жылдың 12 мамырынан 14 қазанына дейін совет әскерлерінің солтүстік тобының 3-ші екпінді армиясының қызыл тулы Таскен дивизиясындағы 364-ші атқыштар полкінің 1212-ші пулемет взводының командирі болып қызмет істеп , ұрысқа қатысқан.
  • 1945 жылдың 14 қазанынан 1946 жылдың 27 мамырынадейін Харьков Әскери округіне қарасты 45-ші армияның СУВОРОВ Орденді 146-ші қызыл тулы ОСТРОВСКОЙ дивизиясының 608-ші атқыштар полкінің пулемет взводының командирі болып қызмет атқарды.

Әскер қатарынан 1946 жылы 27 мамырда АҒА ЛЕЙТЕНАНТ шенімен ауылға оралды.

  • 1943 жылы запастағы атқыштар полкінің саяси бөлімінде ВЛҚСМ қатарына , 1944 жылы қаңтарда 4-ші атқыштар дивизиясының саяси бөлімінде ВҚП(б) мүшелігіне кандидат , 1945жылы мамыр айында 4-ші БЕЖИЦК атқыштар дивизиясының саяси бөлімінде ВҚП(б) мүшелігіне қабылданды

Ұлы Отан соғысы жылдарында көрсеткен жан қиярлық ерліктері АЛЕКСАНДР НЕВСКИЙ, Ұлы Отан соғысының 1-ші және 2-ші дәрежелі , Қызыл Жұлдыз және 1990 жылы Ұлы Отан соғысының 1-ші дәрежелі Орденімен екінші рет наградталды. Сондай-ақ «1941-1945 ж. Ұлы Отан соғысында Германияны жеңгені үшін» , « Варшаваны Азат еткені үшін», «Берлинді алғаны үшін» және тағы басқа 15 медальмен марапатталды. Осы наградаларға қосымша, шайқастарда көрсеткен ерліктері үшін Бас Қолбасшы Сталиннің жеке өзінен 5 рет Алғыс хат алған.

Ұлы Отан соғысынан елге қайтқаннан кейін 1946-1950жылдары Келес аудандық советі атқару комитетінің жалпы бөлімінің меңгерушісі, Келес аудандық партия комитетінің Нұсқаушысы , 1950-1952 жылдары Келес аудандық жоспарлау комитетінің төрағасы, 1952-1954 ж «КОММУНА» Колхоздың төрағасы , 1954-1960 жылдары Келес Аудандық тұтынушылар одағының Нұсқаушы-бақылаушысы, Сталин атындағы Колхоз төрағасының орынбасары , Сырдария селолық советінің төрағасы, АБАЙ поселкелік советі төрағасының орынбасары, аудандық партия комитетінің Абай атындағы Совхоз аймағы жөніндегі нұсқаушысы болып қызмет істеген. 1960-1962 жылдары Шымкент қаласындағы Облысаралық 3-жылдық Совет-партия мектебінде оқып, оны бітіріп шыққан.

1962-1970 жылдары Келес ауданындағы Қазақ ССР 40 жылдығы атындағы совхоздың №2 бөлімшесінің басқарушысы , 1970-1972 жылдары Бірлік селолық советінің төрағасы, 1972-1980 жылдары Коммуна совхозының №1 бөлімшесінің басқарушысы, Ленин жолы селолық советінің төрағасы, 1980 жылдан 1987 жылы зеәнеткерлікке шыққанға дейін Бірлік селолық советінің төрағасы болып қызмет істеген.

1954 жылдан 1987 жылға дейін аудандық советтің депутаты болып сайланған , 1952 жылдан 1987 жылға дейін селолақ советтердің депутаты болды.Аудандық партия комитетінің мүшелігіне де бірнеше рет сайланған.

1990 жылы дүние салды.

Жұбайы Меруерт екеуі 10 ұл-қыз өсіріп, тәрбиелеген. Жұбайы «Ардақты ана» атағын алған.

1991 жылдың мамыр айында С. Саттаровтың ерлігі мен қызметіне орынды баға бере отырып, халық депутаттары Келес аудандық советтің Саттаров туып өскен Ошақты селолық советіне қарасты Орджоникидзе атындағы бөлімшені Сәмбет Саттаров атындағы бөлімше етіп атау жөнінде шешім қабылдады.