Сами Хедира

Уикипедия — ашық энциклопедиясынан алынған мәлімет
Jump to navigation Jump to search
Сами ХедираФутбол
SamiKhedira.jpg
Жалпы мағлұмат
Туған күні 4 сәуір 1987(1987-04-04) (32 жас)
Штутгарт, Германия
Азаматтығы Германия Германия
Бойы 189 см[1]
Салмағы 81 кг
Позиция жартылай қорғаушы
Клуб жайлы ақпарат
Клуб Испания Реал Мадрид
Номері 6
Карьера
Жастар клубы
1995—2004 Германия Штутгарт

Клуб карьерасы*
2004—2006 Германия Штутгарт II 21 (1)
2006—2010 Германия Штутгарт 98 (14)
2010— қ.д. Испания Реал Мадрид 53 (2)
Ұлттық құрамы**
2007—2009 Германия Германия құрамасы (21 жас) 15 (5)
2009— қ.д. Германия Германия құрамасы 32 (2)

* Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады, өңделді 22 қараша 2012.

** Ресми матчтарда ұлттық құрамда болған ойындары мен голдар саны, өңделді 22 маусым 2012.

Сами Хедира (нем. Sami Khedira; 4 ақпан 1987, Штутгарт) (араб.: سامي خضيرة‎) — тунистік тамыры бар неміс футболшысы,[2] Реал Мадрид футбол клубының және Германия ұлттық футбол құрамасының ойыншысы, жартылай қорғаушы. Шешесі неміс, әкесі Тунистен. Керемет ауада ойнау техникасы бар динамикалық жартылай қорғаушы ретінде сипатталады.

Карьера[өңдеу]

«Штутгарт»[өңдеу]

Бундеслигада дебютін 2006 жылдың 1 қазанында Герта клубына қарсы ойында өткізді. 2007 жылдың 29 қантарында Штутгарт клубымен 2009 жылдың маусымына дейін келісім шартқа қол қойады. 2008 жылдың 9 шілдесінде келісімді 2011 жылдың жазына дейін созады. Клубта тіреуіш жартылай қорғаушы ролін жақсы атқарған, бірнеше уақыт бойы команданың вице-президент ролін атқарды.

«Реал Мадрид»[өңдеу]

2010 жылдың 30 шілдесіндеРеал Мадрид футбол клубына өтеді[3][4]. Трансфер суммасы 12 млн еуро құрап, келісім 2015 жылға дейін жасалады. Хедираға 24-ші номер беріледі, 2011-2012 Ла Лига маусымынан бастап 6 номерға ауысты. Сами Реал үшін дебютін 2010 жылдың 13 тамызында Бавария Мюних клубына қарсы жолдастық ойында жасады. Реал Мадрид ол ойынды пенальти соққысынан кейін 4-2 есебімен жеңіп, нәтижесінде мадридтік клуб Франц Беккенбауэр кубогын ұтып алады. Ла Лигадағы дебюті 29 тамыздағы Мальоркаға қарсы ойынға келді, ол ойын 0-0 есебімен бітті[5]. 2011 жылдың 20 сәуірінде Хедира Реал Мадридпен бірге өзінің бірінші титулына қол жеткізеді - Барселонаға қарсы ойын нәтижесінде Копа дель Рей иегері болады.

2011 жылдың 3 тамызында Гуанджоу Эвергранд клубына қарсы жолдастық ойында Реал үшін алғаш голын соғады. 2011 жылдың 18 қазанында Чемпиондар Лигасында Олимпик Лион клубына қарсы ойында голдарына есеп ашады. Копа дель Рейде бірінші голын Малага клубына қарсы 3-2 есебімен біткен ойында соғады. Лиганың өзінде ресми голын Эспаньол клубына қарсы 5-0 есебімен біткен ойында соқты.

2012 жылдың 20 сәуірінде Реал ең мықты қарсыласы Барселона қақпасына гол соқты, сол матчта Реал 2-1 есебімен ұтады, тағы бір голды Криштиану Роналду соқты.

Германия құрамасы[өңдеу]

Германия ұлттық құрамасында 2009 жылдың 5 қыркүйегінде ОАР қарсы жолдастық ойында дебюттін жасады. Негізгі құрамдағы ойыншылардың көптеген жарақаттары үшін 2010 жылғы Футболдан әлем чемпионатына қатысады. Мундиалда бүкіл 7 ойын ойнап, (жартылай қорғаныста ойнайтын Бастиан Швайнштайгермен бірге) чемпионат біткеннен кейін алаң ортасындағы көрсеткен жақсы ойыны үшін мадақ алады. 3-ші орын үшін тартысты ойынында Уругвай құрамасының қақпасына гол соғады.

Дереккөздер[өңдеу]

  1. Sami Khedira. Real Madrid C.F. Тексерілді, 3 наурыз 2012.
  2. Хедира: Нас не нужно разделять
  3. Terms agreed with Real Madrid. VfB Stuttgart (30 шілде 2010). Тексерілді, 30 шілде 2010.
  4. Comunicado Oficial: Sami Khedira, nuevo jugador del Real Madrid (Spanish). Real Madrid C.F (30 шілде 2010). Тексерілді, 30 шілде 2010.
  5. Report: Mallorca v Real Madrid. ESPN Soccernet (30 тамыз 2010). Тексерілді, 30 тамыз 2010.

Сілтемелер[өңдеу]