Сандықтас (ескерткіш тақтатас)

 Басқа мағыналар үшін Сандықтас деген бетті қараңыз.

Сандықтас – қабір үстіне қойылатын қарапайым ескерткіш тақтатас-белгі; Маңғыстау өңірінде кең таралған қабірүсті ескерткіштерінің бірі. Сандықтастар 14 – 15 және 20 ғ-дың басында құлпытас және қойтаспен бірге қабір басына құрастырылып орнатылатын болған. Сандықтас түрлері ертедегі және көркем-сәулеттік пошымдарға бөлінеді. Ертедегі пошымы қарапайым параллепипед пішінінде өңделген немесе шала өңделген жазық тақтатастардан құралады. Көркем-сәулеттік түрлерінің жоғарғы жағы доғалданып, күмбезделіп жасалады да, оның қабырғаларына ою-өрнектер мен әр түрлі суреттер салынады.