Сарышолақ Боранбайұлы

Сарышолақ Боранбайұлы (1866, Ақтөбе облысы Шалқар ауданы Қопасар ауылы - шамамен 1928 - 1929) - ақын. Жастайынан өнерге әуес болған. Жүйрік ат, қыран, бүркіт, құмай тазы ұстап саятшылық құрған. Актөбе, Орынбор, Ор қалаларын аралап, Көкжар (Ойыл), Қарақамыс (Темір) жәрмеңкелерінде болып өнер көрсетіп айтысқа түскен. Оның айтыс шебері екенін "Сынаптай сырғып су жұқпас, қара сөзге ілдірмес" деп Әбубәкір Кердері де айтып кеткен. Сарышолақ шығармаларының дені патша отаршылдығын әшкерелеуге, елді оған қарсы көтеріліске шығуға үгіттеуге арналған. Н.Байғанин "Ақын" толғауында Сарышолақтың өмірі жан-жақты баяндалады. Сарышолақтың жиырмаға жуық өлең, толғаулары, "Қарақай", "Қалқам-ай", т.б. әндері бар.