Сары теңбіл саламандра
Сары теңбіл саламандра - құйрықты қосмекенділер отрядына жатады. Саламандраның түрі кесірткеге ұқсайды, бірақ дене құрылысы жағынан балықтарға жақын. Басының кеудесіне, кеудесінің басына жалғасқаны мүлде байқалмайды. Денесінің құйрығымен қогса алғандағы орташа ұзындығы -16-19см. Кейбіреуінің денесін сары түсті дақтар, тағы бірін сары жолақтар жапқан. Ашық әрі аралас түсі жауларына саламандраның улы екенін білдіреді. Астыңғы және үстіңгі жақтарында тістері бар. Өкпесі болғанымен, желбезектері болмайды. Басында құлақмаңы безі болады. Бұл безінен ақшыл түсті, өткір иісті, жабысқақ сұйық у бөлінеді. Уы өте уытты, жансыздандыратын күшке ие. Германиядағы Александр Кенинг атындағы табиғат мұражайында 50 жыл жасаған саламандра бар. Уылдырығын таза сулы бұлақ жылғаларға шашады. Сары теңбіл саламандра-көзге түсуді ұнатпайтын мақұлық. Саламандралар түрлі жәндіктермен, өрмекшілермен, жауынқұрттармен және шырышты ұлулармен, т.б. қоректенеді. Саламандраның жауы құстар, жыландар, жыртқыш балықтар мен қабандар болып табылады
Аңыз бойынша[өңдеу | қайнарын өңдеу]
Ежелгі аңыз бойынша, саламандра отқа салсаң жанбайды, тіпті денесіндегі салқынмен от-жалынды сөндіре алады-мыс.
Өте қызық[өңдеу | қайнарын өңдеу]
Жапония мен Қытайда ұзындығы 1,8 метр, салмағы 30 келі болатын алып саламандралар тіркелген.[1]
Дереккөздер[өңдеу | қайнарын өңдеу]
- ↑ 1100 қызықты деректер