Сатуратор

Сатуратор (лат. Saturo толтыру, қанықтыру ) – сұйықты көмір қышқыл газымен қанықтыратын (мысалы, салқын сусындарды) аппарат.

Оның қозғалмайтын, жылжымалы, қолмен іске қосылатын, жетекті, периодты және үздіксіз әрекетті түрлері бар. Қозғалмайтын әрі жетекті сатуратор ішінде суды көмірқышқыл шазымен араластырып отыратын қалақшалы білігі бар цилиндрден тұрады. Цилиндрге фарфор сақиналары бар вертикал бағана бекітіледі. Үздіксіз әрекетті сатураторға су насостың көмегімен цилиндрдің жоғары жағынан, ал көмірқышқыл газы оның төменгі жағынан беріледі. Іс жүзінде периодты әрекетті сатуратор кеңінен таралған. Мұнда қанықтыру процесі су мен газды сатуратор цилиндрінде араластыру және суыту нәтижесінде жүреді.