Сақтандырылған тұлға

Уикипедия — ашық энциклопедиясынан алынған мәлімет
Jump to navigation Jump to search

Сақтандырылған тұлға, Сақтандырылушы – 1) өзіндік (жеке басты) сақтандыруға қатысушы жеке тұлға. Оның мүдделері өмірімен, денсаулығымен, еңбек етуге қабілеттілігімен, зейнетақымен қамсыздандырылуымен, медицина шығындарды төлеумен, т.б. байланысты болады және сақтандыру арқылы қорғалады, яғни сақтандыру нысанасы болып табылады; 2) жауапкершілігінің тәуекелі сақтандыру шарты бойынша сақтандырылған, сақтандыру шартында немесе заңда көзделген жағдайларда уағдаласылған сақтандыру төлемін не қайтарылуға тиіс сақтандыру жарнасын алу құқығына ие жеке немесе заңды тұлға. Егер азамат өзіне қатысты шарт жасайтын болса, ол сонымен бірге сақтанушы да болып табылады. Егер шарт басқа тұлғаға қатысты жасалса, сақтанушы мен Сақтандырылушы сақтандыруға қатысқан екі басқа тұлғалар болып табылады. Мысалы, балаларды сақтандыру бойынша сақтанушылар ретінде ата-аналары әрекет етеді, ал балалар сақтандырылған болып табылады. Кәсіпорындардың (ұйымдардың) қаражаты есебінен ерікті сақтандыру кезінде және бюджет қаржысы есебінен мемлекеттік міндетті сақтандыру кезінде тиісті кәсіпорын сақтанушылар ретінде, ал қызметкерлер Сақтандырылушы ретінде әрекет етеді. [1]

Сілтемелер[өңдеу]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том