Саңылаулы байланыс
Саңылаулы байланыс (нексус, щелевидное соединение); (лат. nexus — байланыс, қосылу) — жасушааралық байланыстың түрі.
Көрші жатқан жасушалар плазмолеммалары өзара жанасып байланыс кезінде, олардың аралықтарында ені 2-3 нм саңылау тәрізді кеңістік қалады. Саңылаулы байланыстың жанасу аумағы 0,5- 1,0 мкм. Көрші жасушалар плазмолеммаларының құрамындағы арнайы протеинді кешендер — коннексондар бір жасушадан екінші жасушаға өтетін ұзындығы 2,0 нм өзекшелер түзеді. Саңылаулы байланыс организм ұлпаларының барлық түрлерінде кездеседі. Саңылаулы байланыс — өзекшелерінің қабырғалары арқылы бір жасушадан екінші жасушаға иондар, ұсақ молекулалар өтеді.
Мысалы, жүрек бұлшықеттері жасушаларындағы қозу процестері бір кардиомиоциттен екінші кардиомиопитке саңылаулы байланыс (нексус) арқылы беріледі. Саңылаулы байланыс — жасушааралық қатынастарды реттейді, химиялық заттардың алмасуын қамтамасыз етеді.[1]
Дереккөздер[өңдеу | қайнарын өңдеу]
- ↑ Биоморфология терминдерінің түсіндірме сөздігі / — Алматы: «Сөздік-Словарь», 2009 жыл. ISBN 9965-822-54-9
Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|