Северин Северинович Гросс

Уикипедия — ашық энциклопедиясынан алынған мәлімет
Jump to navigation Jump to search

Гросс Северин Северинович (1857 - ө. ж. белгісіз) - поляк халықшыл революционері. 1877 ж. Петербург университетін бітірген. Поляк жастарының астыртын революция ұйымының жұмысына белсене араласқаны үшін 1882 ж. тұтқынға алынып, полицияның ашық бақылауымен 5 жылға Батыс-Сібірге жер аударылған. Гросс алғашыңда Есіл қаласына қоныс тепті, 1883 ж. Семейге ауысады. Мұнда ол Семей облысы статистика к-тіңде жұмыс істеп, өлкені жан-жақты зерттеуде маңызды қызмет атқарған, жергілікті музей мен қоғамдық кітапхана ашуға кеп көш жұмсайды. Абай Семей облысы статистика к-тінің қызметі барысында онымен жақын таныс болды. Г-тың 1886 ж. жарық көрген «Қырғыздардың заң жөніндегі әдет-ғұрыптарын үйренуге арналған материалдар» еңбегін жазу барысында Семей уезіндегі Шыңғыс болысына баруға рұқсат алғаны жөнінде архив мәліметтері сақталынған (ҚР Орт. мемл. архиві, 15-қор, 2- тізім, 63-іс, 52-парақ). Ол жоғарыда аталған жұмысқа деректер жинау мақсатымен қазақтың әдет-ғүрып заңдарын жетік білетін Абаймен тығыз қатынас жасап, кеңесіп отырған. Л.М. Әуезова.

[1]

Дереккөздер[өңдеу]

  1. Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9