Сейділда Ордалиев

Уикипедия — ашық энциклопедиясынан алынған мәлімет
Jump to navigation Jump to search
301-324-31.png

Сейділда Ордалиев (1930 жылғы 5 қыркүйекте Оңтүстік Қазақстан облысы, Түлкібас ауданы Балықшы ауылы - 1994) - Қазақстан филология ғылымдарының кандидаты.

1952 жылы Қазақ мемлекеттік университетінің филология факультетін бітіріп, қазақ әдебиеті кафедрасының аспирантурасына қалдырылған. «Соғыстан кейінгі қазақ совет драматургиясы» (1945—1955) атты тақырыпқа кандидаттық диссертация қорғаған (1956). Қазақ мемлекеттік университетінің қазақ әдебиеті кафедрасында оқытушы, Қазақ КСР Ғылым академиясының М.О.Әуезов атындағы Әдебиет және өнер институтында аға ғылыми қызметкер (1958—1972), республикалық мүғалімдер білімін жетілдіру институтында аға оқытушы, кафедра меңгерушісі (1973—1976) болып қызмет істеген. 1977 жылдан Қазақ мемлекеттік университетінің қазақ әдебиеті кафедрасының доценті болды.

Еңбектері[өңдеу]

  • «Қазақ драматургиясының очеркі» (1964),
  • «Конфликт және характер» (1964) атты монографиялары қазақ тілінде,
  • «Қазақ драматургиясы және советтік өмір» (1964) атты кітапшасы қазақ, орыс тілдерінде жарық көрді.

«Ғылым» баспасынан жарық көрген

  • «Қазақ әдебиетінің тарихы» (1967) және Мәскеуде орыс тілінде шыққан
  • «Көп ұлтты совет әдебиетінің тарихы» (1970) атты еңбектерді жазуға қатысты. 1982 жылы Б.Майлин шығармашылығы туралы «Сөз зергері» атты монографиясын жариялады. Түрікмен драматургі Г.Мухтаровтың «Мен әжейге үйленем» атты комедиясын (1979) аударды.[1][2]

Дереккөздер[өңдеу]

  1. Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса - Алматы: «Аң арыс» баспасы, 2009 жыл
  2. Қазақ әдебиеті. Энциклопедиялық анықтамалық. — Алматы: «Аруна Ltd.» ЖШС, 2010 жыл.ISBN 9965-26-096-6