Сепаратор

Уикипедия — ашық энциклопедиясынан алынған мәлімет
Jump to navigation Jump to search

Сепаратор (латынша separator — бөлгіш) — газдан сұйық немесе қатты бөлшектерді, сұйықтықтан қатты бөлшектерді бөлу және сұйық немесе қатты бөлшектер қоспасын құрамдас бөліктерге ажыратуға арналған аппарат. Сепаратордың бірнеше түрі белгілі: центрден тебу сепараторлары (центрифугалар) неғұрлым ауыр сұйықтықтар мен сұйықтықтағы қатты бөлшектер қоспасын центрден тебу күшінің шеткі аймақтарға әсер етуі нәтижесінде сығып, бөледі (мысалы, сүт сепараторы). Магниттік сепараторлар электрмагнит әсерімен магнитті бөлшектерді (мысалы, темір, кобальт, т.б. кентастарын) магнитті емес (мысалы, бос топырақтан) бөлшектерден немесе әр түрлі бөлшектер тасқынын неғұрлым магниттілігі төмен бөлшектерден бөледі. Тұнбалық сепараторлар бір-бірімен араласпайтын екі сұйықтықты резервуарда тұндыру жолымен бөлуде қолданылады. Олардан шығатын түтіктің жоғарғысы — жеңіл, төменгісі ауыр сұйықтықтарға арналады. Әр түрлі физикалық қағидалар негізінде жұмыс істейтін сепаратордың басқа да типтері бар (мысалы, элекрстатикалық, тәждік, т.б.).

Дереккөздер[өңдеу]