Сержан Мұратұлы Бәшіров

Сержан Мұратұлы Бәшіров 1964 жылы 29 тамызда Шығыс Қазақстан облысы Тарбағатай ауданының Ақжар ауылында туған. Қазақ. Әкесі- Бәшіров Мұрат, марқұм, Тарбағатай аудандық ауыл-шаруашылық басқармасының инженері болып, ҚазКСР Ауыл шаруашылық министрлігінің кәсіби-техникалық училищелер бөліміндө қызмет атқарған. Анасы - Шәкерова Сәния, зейнеткер, бухгалтер болып жұмыс істеген.

Н.В. Гоголь атындағы Алматы көркемсурет училищесін бітірген (1984), мамандығы - «Металды көркем еңдеу».

Этноавангард стиліндегі зергерлік бұйымдардың авторы. Жұмыстарында күміс, сүйек, маржан, көгілдір ақықты қолданады; инсталляциялар үшін ағаш, киіз, металды пайдаланады; түрлі техникаларды араластыра қолданады, түрлі стильдер мен мотивтерді үйлестіреді. «Керулен» (металл, ағаш, киіз, сүйек, кесте, көлемі 120x75 см, 1997), «Пайцза» (сүйек, күміс, оймалау, 2002), «Үш белгі» (күміс, бирюза, сердолик, 2003) және т.б. инсталляциялардың авторы. London Fashion Week шектерінде «Фешн-Френч» конкурсына арнап жас ағылшын дизайнерлері Маки және Маркустың эскиздері бойынша зергерлік әшекейлер жасаған (2007). Ресейдегі, АҚШ-тағы, Украинадағы және Франциядағы беделді зергерлер конкурстарының қатысушысы. Шығармалары Ә. Қастеев атындағы Мемлекеттік өнер мұражайында (1998); «Азия дауысы» X мерейтойлық халықаралық байқауының шектерінде «Зергер-99» шебер зергерлер конкурсында (1999); Орталық суретшілер үйінің көрмелерінде (Мәскеу қ., 2000, 2001); «Зергерлік Олимп» халықаралық конкурсында (2003, Санкт-Петербург қаласы, РФ); «Бейбітшілік үшін» халықаралық өнер байқауында (Қырғызстан, 2000); Қолөнершілер байқауында (Кечкемет қаласы, Венгрия, 2003); «Минерал Шоуда» (Туссон қаласы, АҚШ, 2004-2007); Қырғызстан өнер мұражайының «Батыс-Шығыс» халықаралық көрмесінде (2004, Бішкек қ.); «Орталық Азиядағы мәдени әртүрлілік пен сұхбат» байқауында (ЮНЕСКО, Париж қаласы, 2005); Бірлескен зергерлер көрмесінде (Астана қаласы, 2009); «Фолкартмаркет» халықаралық байқау-жәрмеңкесінде (Санта-Фе қ., АҚШ, 2010) көрмеге қойылған. «Тәңірі-¥май» галереясында («Керулен» көрмесі, 1998), Шығыс Қазақстан этнографиялық мұражайында (Өскемен қаласы, 2004) жеке көрмелерін өткізген. Шығармалары Азия және Океания мұражайында (Варшава қаласы), Алтын мен күміс мұражайында (Астана қаласы), Президенттің мәдениет орталығында (Астана қ.), Шығыс халықтарының мұражайында (Мәскеу қаласы), Өскемен, Павлодар және Семей қалаларындағы облыстық мұражайларды, Ә. Қастеев атындағы Мемлекеттік өнер мұражайында (Алматы қаласы), Линден-мұражайында (Штутгарт қаласы, Германия) сақталуда. Түркітанушы Напыл Базылхановпен Туваға (2005), Хакасияға (2005), Монғолияға (2006) ғылыми экспедицияларға қатысқан.

1991-2004 жылдары - Республикалық көркемсурет колледжінің оқытушысы.

2008 жылдан бері - Т. Жүргенов атындағы Қазақ ұлттық өнер академиясының «Декоративтік-қолданбалы өнер және дизайн» кафедрасының оқытушысы. «ЮНЕСКО сапа белгісі» конкурсының дипломанты (2004, 2005, 2006).

«Шебер» II қазақстандық конкурсының «Төлту- малық» номинациясындағы жеңімпазы (2010). «Халықаралық байқауда ұсынылған үздік жұмыс үшін» дипломымен (1998), «Зергерлік Олимп» халықаралық конкурсындағы 2-ші дәрежелі дипломмен (2003) марапатталған.

Хоббиі - этнография бұйымдарын реставрациялау және зерттеу. Үйленген. Жұбайы - Бәшірова Роза Тұрысбекқызы (1962 жылы туған), үй шаруасымен айналысады. Қыздары - Бәші- рова Айғаным (1997 жылы туған), Бәшірова Салтанат (2000 жылы туған).