Серік Байхонов

Серік Байхонов 1953 жылы 12 мамырда Қызылорда облысы, Шиелі ауданының «Авангард» кеңшарында туған. 1976 жылы Қазақ мемлекеттік университетін, 1980 жылы Алматы Жоғары партия мектебін бітірген.

Еңбек жолы

Еңбек жолын құрылысшы болып бастаған.

• 1976-1980 жж. – Шиелі аудандық «Өскен өңір» газетінде қызмет атқарды.
• 1980–1983 жж. – Шығармашылық жолын «Қазақфильм» киностудиясында, «Жана фильм» журналында және «Жалын» баспасында жалғастырды.
• 1983–1997 жж. – Қазақ республикалық теледидарында бөлім меңгерушісі және бас редактор лауазымдарын атқарды.
• 1997–2005 жж. – Өскемен қаласындағы «Казцинк» ашық акционерлік қоғамында және облыстық мәдениет пен өнерді қолдау қорында жұмыс істеді.
• 2005–2011 жж. – «Тіл мен діл» газетінің бас редакторы болды.

«Ақ Ертіс – Иртыш» журналының шығарушысы және Қазақстан Жазушылар одағының Шығыс Қазақстан облыстық бөлімшесінің директоры қызметтерін атқарған.

Жетістіктері

Тұңғыш повесі «Жалғасым менің — жалғасым» 1973 жылы «Жалын» журналында жарық көрді. Шығармалары орыс тіліне аударылған. «Жігіттің сұлтаны», «Тайбурыл», «Сиқырлы қазан», «Қазақтың Қажымұқаны» республикалық конкурстық бағдарламаларының авторы. Қазақстан Жазушылар одағының Ахмет Байтұрсынұлы атындағы сыйлығының лауреаты. Балаларға арналған халықаралық «Дарабоз» жабық бәйгесінің бірнеше дүркін жеңімпазы. Шиелі ауданының құрметті азаматы.

Экпедиция

Кәсіби саяхатшы ретінде «Сал үстіндегі маусым», «Аралға — араша», «Арналарға тіл бітсе», «Өсімдіктер желісіне саяхат», «Бетпақдала — шөл емес» экспедицияларын басқарған.

Шығармалары

• Жалғасым менің жалғасым. Повестер мен әңгімелер. А., «Жалын», 1977;
• Ең ыстық маусым. Повестер. А., «Жалын», 1979;
• Қос шатырлы үй. Повестер. А., «Жалын», 1983;
• Сал үстіндегі маусым. Саяхат кітабы. «Жалын», 1987;
• Құйылыста. Хикаяттар мен әңгімелер. А., «Жазушы», 2001;
• Ғажапстанға саяхат. Табиғат кітабы. «Рудный Алтай», 2001.
• Байхонов С. Алтай Асу. Этно-роман. Серікбай Байхонов. - Алматы: "Алматы - Болашак" АК, 2019.-544 бет. ISBN 978-601-7461-56-0