Серік Саматұлы Елеуов

Уикипедия — ашық энциклопедиясынан алынған мәлімет
Jump to navigation Jump to search

Серік Саматұлы Елеуов 1980 жылы 15 желтоқсанда Қарағанды қаласында туған. Қазақ. Әкесі - Елеуов Самат Мұсайынұлы (1951 жылы туған), зейнеткер, Қарағанды облыстық Жол полициясы басқармасында жұмыс істеген. Анасы - Елеуова Римма Қайырбекқызы (1950 жылы туған), Қарағанды қаласының №77 ОМ бастауыш сынып мұғалімі. Қазтұтынушылародағы Қарағанды экономикалық университетінің кеден істері факультетін бітірген (2003), кеден істерінің инспекторы. Қазіргі уақытта - Қазтұтынушылародағы Қарағанды экономикалық университеті заң факультетінің студенті. «Нұр Отан» ХДП мүшесі (2003 жылдан). Жекпе-жек БЖСМ, Бокстан ОРМБЖМ спортшысы. Қазақстанның бірнеше мәрте чемпионы; турнирлердің бірніше мәрте жеңімпазы; Жасөспірімдер арасында әлем чемпионы (Аргентина, 1998); бокстан Азия чемпионы (1999); ҚР Халықтарының I Жазғы спартакиадасының (2001), Қазақстанның мықты боксшылары турнирінің (Қарағанды, 2003), Е. Хасановты еске алуға арналған Халықаралық турнирдің (Алматы, 2003), ҚР Чемпионатының (Астана, 2003) жеңімпазы; Орталық Азия ойындарының күміс жүлдегері (Тәжікстан, 2003), Еуропаның мықты боксшылары Халықаралық турнирінде - 2 орын (Румыния, 2004), I Олимпиадалық лицензиялық турниріне (Қытай, 2004) қатысқан; XXVIII жазғы Олимпиадалық ойындарының қола жүлдегері (Афины, 2004), XXVIII Жазғы олимпиадалық ойындардың 60 кг дейінгі салмақтағы қола жүлдегері (Афины, 2004). Бокстан Еңбек сіңірген спорт шебері (2004). «Ерен еңбегі үшін» (2004), «Қазақстан Конституциясына 10 жыл» (2005) медальдарымен, көптеген грамоталармен марапатталған.

  • Діни көзқарасы - мұсылман.
  • Саяси қайраткер ретіндегі идеалы - Н.Ә. Назарбаев.
  • Қазақстанның болашағы туралы болжамы - «Жарқынболашақ».
  • Хоббиі - футбол.
  • Сүйіп оқитын әдебиеті - тарихи әдебиет.
  • Үйленген. Жұбайы - Елеуова Динара Болатқызы (1981 жылы туған), АХАТ жетекші маманы.
  • Ұлы - Әділ (2005 жылы туған).

[1]

Дереккөздер[өңдеу]

  1. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2