Серік Сырғабайұлы Мейіржанов
Серік Сырғабайұлы Мейіржанов 1958 жылы 16 мамырда Алматы қаласында туған. Қазақ.
Әкесі - Мейіржанов Сырғабай (1924-1996), «Қазақстан мұғалімі» республикалық газетінің редакторы болып жұмыс істеген. Анасы- Шәкірова Күләсан (1936 жылы туған), зейнеткер, Алматы қаласындағы кеңестік сауда техникумында бөлім меңгерушісі болып жұмыс істеген.
Алматы халық шаруашылығы институтының қаржы-несие факультетін бітірген (1979), экономист.
10-нан астам мақаланың авторы.
1979 жылдан - Мембанктің Қазақ республикалық кеңсесінің аға экономисі . 1983 жылдан - Алматы облыстық қаржыландыру басқармасының халық шаруашылығын қаржыландыру бөлімінің аға экономисі. 1989 жылдан - «Атамекен» компаниясының қаржы-инвестиция бөлімінің бастығы. 1992 жылдан - «ЦентрКредит» Қазақ орталық акционерлік банкі филиалының директоры. 1996 жылдан - Қазақстан интернационалдық банкі (ҚИБ) басқармасы төрағасыныңорынбасары. 1998 жылдан - «Шағын кәсіпкерлікті дамыту қоры» ЖАҚ төрағасының орынбасары. 1999 жылдан - «ЦентрКредит банкі» ААҚ Директорлар кеңесі төрағасының кеңесшісі.
2001 жылдан бері - «Капитал» ЖЗҚ АҚ президенті. Орталық Азия Жүйелі зерттеулер қорының кеңес берушісі (2004 жылдан).
Әскери атағы[өңдеу | қайнарын өңдеу]
Әскери атағы - сержант.
Үй жағдайы[өңдеу | қайнарын өңдеу]
Үйленген. Жұбайы - Шойынбекова Мәдина Қыдырбекқызы (1964 жылы туған), «Секател» ЖШС маманы. Ұлы – Мейіржанов Михаил (1980 жылы туған), «Интерсертифико-ОртАзия» БК-да программист. [1]
Дереккөздер[өңдеу | қайнарын өңдеу]
- ↑ Қазақстан Республикасында кімнің кім екені - 2011. 2 томдық анықтамалық. Алматы, 2011 ІSВN 978-601-278-473-2