Серік Ғазизұлы Сұлтанғабиев

Серік Ғазизұлы Сұлтанғабиев
Туған күні	25 қараша 1972 (1972-11-25) (52 жас)
Туған жері	Қазақ КСР,  КСРО
Мемлекет	Ресей
Әскер түрі	танк батальоны
Шайқасы	Бірінші шешен соғысы Екінші шешен соғысы

Серік Ғазизұлы Сұлтанғабиев – Ресей офицері, Ресей ІІМ ішкі әскерінің полковнигі, Ресей Федерациясының Қаһарманы. Бірінші және Екінші Шешен соғыстарының ардагері. Екінші гвардия танк дивизиясының 78-інші барлаушы батальонының барлаушы взводының командирінен бастап, 20-ыншы мотоатқыштар дивизиясының 255 мотоатқыштар полкінің мотоатқыштар батальонының командирі лауазымына жетті. 2009 жылдан бастап, ІІМ ішкі әскерінде және полицияда қызметін жалғастырады. 2014 жылдың 25 қыркүйегінде РГД-5 гранатасының жарылысы кезінде, әскери қызметкердің өмірін аман сақтап қалды.

Биографиясы

1972 жылдың 25 қарашасында Қазақ КСР-ның Қостанай облысындағы Меңдіқара ауданының Введенка ауылында дүниеге келген. Алты баласы бар көпбалалы қазақ отбасында тәрбиеленген. Әкесі – малшы, анасы – сауыншы. Ауылдық орта мектепті бітіргеннен кейін, Челябі қаласындағы жоғарғы танк басқару мектебіне оқуға түседі. Бірінші Шешен соғысына қатысты. 1995 жылдың қаңтар айында 2-нші гвардия танк дивизиясының 78-інші барлаушы батальонының құрамында Грозный қаласының шабуылына қатысты. “Ерлігі үшін” алқасымен марапатталды. 2000 жылы Екінші Шешен соғысынан кейін, «Отанына қызмет еткені үшін» алқасымен марапатталды. 2007-2009 жылдары арасында М.В. Фрунзе атындығы Әскери академияда оқып, Солтүстік Кавказ өңіріндегі Қарулы Күштерінің танк бөлімшелерінде қызметін жалғастырады. 2014 жылдың 5 мамырында Свердловск облысынындағы №3275 әскери бөлімшесінің командирі лауазымына тағайындалды. 25 қыркүйек күні жергілікті уақыт бойынша 12:30-да әскери оқу кезінде кіші сержант Алексей Телениннің қолынан байқаусыздан РГД-5 гранатасы түсіп қалып, сержанттың және оның қасындағы әскери қызметшілердің өміріне қауіп төндірді. Сұлтанғабиев сержант өмірін сақтап қалу үшін оны жарылыс көзінен итеріп, гранатаны өз денесімен жауып, көптеген жарақаттар алды. Емделу барысында, оншақты ұзақ оталарды басынан кешіріп, 14 қазан күні есін жиды. 2014 жылдың 24 қараша Ресей Федерациясы Президентінің Жарлығына сәйкес, әскери міндеттерін орындау барысында аса ерлік танытқаны үшін Ресей Федерациясының Қаһарманы атағы берілді.