Синтезатор

Уикипедия — ашық энциклопедиясынан алынған мәлімет
Jump to navigation Jump to search

Синтезатор (грекше тәртіпке салынған, құралған) — осы заманғы музыкада кең қолданылатын электронды музыка аспабы. Алғашында үлкен синтезатор құрылымы жағынан тұрақты көп дауысты музыка үнін шығаратын орган саналды. Қазіргі заманғы электрлі музыкалық аспаптар америкалық өнертапқыш Т.Кахиллдің жасаған тельгармониясы (1904) негізінде пайда болған. Музыкалық дыбыстарды өңдеп, күшейтіп әрі әсерлі шығаруға арналған алғашқы синтезатор аспабы 1964 жылы жасалды. 20 ғасырдың 70-жылдарынан музыкалық шығармаларды орындауға арналған синтезаторлар шығарыла бастаса, ал 1975 жылдан көп дауысты синтезаторлар өмірге келді. Оның үйлесімді (“аналогты”) және санды синтезаторлар секілді екі түрі шығарылады. 1976 жылы алғаш рет компьютерлік есте сақтайтын санды синтезатор жасалды. Қазақстан музыкасында синтезатор аспабы 20 ғасырдың 60-жылдарының аяғынан былай қарай вокалды-аспаптық ансамбльдерде (мыс., “Дос-мұқасан” ансамблі) кең қолданыс тауып келеді.

Дереккөздер[өңдеу]