Сицзян

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Zhujiangrivermap.png

Сицязн, Чжуцзян, ІнжуліҚытайдың оңтүстік-шығысындағы өзен. Ұзындығы 2130 км, су жиналатын алабы 437 мың км2. Юньань таулы үстіртінде Юцзян (солтүстік) және Цзоцзян (оңтүстік) бастауларының бірігуінен басталады. Наньлин тауының оңтүстігіндегі шатқалдар арқылы ағып, Аомынь қаласы маңында Қытай теңізіне атырау (аум. 16,9 мың км2) жасап құяды. Салалары: Хэцхян, Цяньцзян, Гуйцзян, т.б. Жылдық орташа су ағымы Учжоу қаласы маңында 8 мың м3/с, жазғы муссондық тасқындар кезінде — 58 мың м3/с. Су деңгейінің жылдық ауытқуы 15 — 20 м. Жиі су тасқындары болып тұрады, алабында ұзындығы 2 мың км-дей дамбалар салынған. Суы егін суаруға пайдаланылады. Төменгі ағысында інжу бақалшақтары жиналады. Учжоу қаласына дейін кеме жүзеді. Сицязн атырауында Гуанчжоу (Кантон) теңіз порты орналасқан.[1]

Xijiang Zhaoqing.JPG

Пайдаланылған cілтемелер[өңдеу]

  1. Қазақ Энциклопедиясы, 7 том