Сораптық-компрессорлық тізбек

Сораптық-компрессорлық тізбек - өнімді қойнауқаттан мұнай мен газды шығаруға арналған. Бұрандамен жалғастыру арқылы сораптық-компрессорлық құбырлардан құрастырылады. Құбыр диаметрі 33-114 мм, қабырғасының қалыңдыгы 3,5-7,0 мм, ұзындығы 5,5-10 м. Сораптық-компрессорлық тізбектің ұзындығы 3000 м-ге, массасы 50 т-ға дейін жетеді. Бір қатарлы тізбектер пайдаланудың сорапты тәсілінде, екі қатарлылары бұрқақтық және компрессорлық тәсілдерде қолданылады. Бірнеше өнімді қойнауқат бір мезгілде пайдаланылғанда Сораптық-компрессорлық тізбектер ұңғымада параллель немесе концентрлі орналастырылады және газ сепараторларымен, іске қосу қақпақтарымен, ұңғымалық сораптармен қамтамасыз етіледі.