София патшайымның өнер орталығы

Уикипедия — ашық энциклопедиясынан алынған мәлімет
Навигацияға өту Іздеуге өту
София патшайымның өнер орталығы
Museo Nacional Centro de Arte Reina Sofía
Құрылған уақыты 1986
Орналасқан жері Испания: Мадрид
Санта Исабель к., 52
Мұражай түрі заманауи испан өнері
museoreinasofia.es
Логотип Ортаққордағы санаты: София патшайымның өнер орталығы

«София патшайымның өнер орталығы» ұлттық мұражайы (ис. Museo Nacional Centro de Arte Reina Sofía) — Испания елордасы Мадрид қаласында орналасқан пинакотекасы және кітапханасы (шамамен 40 000 том) бар көкрем мұражайы.

Прадо және Тиссен-Борнемиса мұражайларымен бірге «Алтын үшбұрыш» деп аталатын мадридтық мұражайлар қатарына кіреді.

Жалпы мәлімет[өңдеу | қайнарын өңдеу]

Мұражайдағы көрме залдарының жалпы аумағы 12 505 м². Техникалық жағынан ғимарат температураны, ылғалдықты бақылайтын және залдардың жарықтылығын реттейдін, сонымен қатар қажетті кезде қауіпсіздік жүйесін іске қосатын орталық компьютермен жабдықталған.

Қазіргі кезде мұражай негізгі үш функцияны атқарады: тұрақты жинақтамалар мұражайы, уақытша көрмелер залы және зерттеу бөлімі.

Мұражайдың қасбетінде үш сыртқы лифт орналасқан, бұл сәулеттік шешім ғимаратқа ерекше сән береді.

Тарихы[өңдеу | қайнарын өңдеу]

Мұражай мүсін бойынша мамандырылған заманауи өнердің көрме залы ретінде 1986 жылы негізделді.

Ресми түрде мұражай 1992 жылдың қыркүйегінде ашылды.

2007 жылы мұражай өз аумағын кеңейтті.

Экспозиция[өңдеу | қайнарын өңдеу]

«София патшайымның өнер орталығы» ұлттық мұражайы — әлемдеңі ең ірі мұражайларының бірі болып табылады.

Бұл мұражайда заманауи испан өнерінің тұрақты жинақтамасы орналасқан. Орталықтың залдарында заманауи өнердің сан алуан уақытша көрмелерін көруге болады: көркем сурет, мүсіндер, видеоинсталляциялар, фотографиялар, кино және т.б.

Мұражайда Пабло Пикассо және Сальвадор Дали жинақтамалары бар. Ең танымал жауһары — Герника суреті.

Мұражай шегінде көркем суретке арналған тегін кітапхана орналасқан. Оның қорында 100000 кітап, 3500 дыбыс жазба және 1000 видеожазба сақтаулы тұр.

Сілтемелер[өңдеу | қайнарын өңдеу]