Соғды қызғалдағы
Соғды қызғалдағы – Қазақстанның қызыл кітабыңа енген, сирек кездесетін қызғалдақтарға жатады.
Сипаттама[өңдеу | қайнарын өңдеу]
Биіктігі 10-25 см, пиязшығы жұмыртқа тәрізді, қалыңдығы 0,7-1,5 см, қара қоңыр, терілі, қатты, ішкі жағы түкті қабықты.
Сабағы жалаңаш, жапырақ саны екеу, үштен сирек, едәуір алшақ орналасқан, қайырылған, кейде шамалы бұйра, жалаңаш, таспа сызықты, төменгісі едәуір жалпақ, ені 4-10 мм, гүлден аспайды. Гүлі біреу, екіден сирек, гүл серігі ақ, зорға байқалатын қызыл реңді, түбі сары, ұзындығы 15-25 мм, сыртқылалары ұзынша таспа тәрізді, сүйір, сырты күлгін, ішкісінен екі есе дерлік жіңішке, ішкілері жұмыртқа тәрізді, доғал, сүйір ұшы қысқа, түбі жіңішкерген және осы жері шамалы кірпікшелі, аталықтары гүл серігінен 2-2,5 есе қысқа. Олардың жіпшілері сары, сүйір үшы қысқа, түйіні аталықтарынан қысқа, бағаны өте қысқа, қорапшасы ұзынша, ені 1 см, ұзындығы 1,5 см, қысқа тұмсықты.
Наурыз- сәуір айларында гүлдейді.
Қазақстанда таралуы[өңдеу | қайнарын өңдеу]
Құмды, сирек сазды шөлде өседі. Қызылқұм флористикалық аймағында кездеседі.