Стандартты электрод
Стандартты сутектік электрод — гальваникалық элементтер мне әртүрлі электрохимиялық өлшеулерде салыстырмалы өлшем ретінде қолданылатын элкетрод. Сутектік электрод, әдетте пластинка немесе газ тәріздіс сутекті жақсы сіңіретін металл сым болып табылады (платина немесе палладий қолданылады). Платина потенциалы ерітіндідегі Н+ иондарының концентрациясына тәуелді. Анықталатын химиялық реакцияның электродтық потенциалы осы сутектік стандартты электродқа тәуелділікте өлшенеді. Сутектің қысымы 1 атм. протондардың ерітінідідегі концентрациясы 1моль/л және температура 298 К кезінде сутектік электрод потенциалы 0 В болып қабылданады. Сутектік электрод және анықталатын электродтан гальваникалық элемент құрастырылғанда платина бетінде қайтымды түрде реакция жүріп отырады:
2Н+ + 2e− = H2
яғни, сутектің тотығуы немесе тотықсыздану үрдісі жүріп отырады - анықталатын электродта ағатын реакция потенциалына байланысты. Қалыпты жағдайдағы гальваникалық элементтің электрқозғаушы күшін өлшегенде қарастырылатын химиялық реакцияның стандартты электродтық потенциалын есептеп шығарылады.