Стефанотис

Стефанотис (STEPHANOTIS СТЕФАНОТИС) – ластовнеялар тұқымдасына жатады. Африка, Мадагаскар және Малай архипелагы аралында кеңінен таралған өсімдік.Табиғатта 16 түрі белгілі. Оның бір ғана «Флорибунд» деген түрі үй жағдайында өсіріледі. Ол әдемі жапырақты, ерекше гүлдейтін шырмауық болып табылады. Сабақтарының мықтылығынан кез келген пішінге келтіруге төзімді. Жапырақтары жұмыртқа пішіндес жылтыр. Түтікше болып келген гүлдері ақ түсті, бес күлтелі, диаметрі 3-4 см, қолшатыр тәріздес 8-10 данадан жинақталған, хош иісті. Мамыр айынан қыркүйек айына дейін гүлдейді. Негізінен стефанотис ақжұпардың туысы болып келеді, сондықтан болар оны кейде «Мадагаскарлық ақжұпар» деп те атайды.

Жарығы:

Тіке түсетін күн сәулесі бар жерге қоюға болмайды. Бірақ жарық жерді ұнатады, жарық жетіспесе жапырақтары сарғайып кетеді.

Жылуы:

Қыс айларында 12°C салқындық қажет, егер мұндай температуралық жағдай жасамаса, гүлдемей қояды.

Суғарылуы:

Жазда молырақ, қыс айларында топырағы құрғаған кезде ғана суғару керек.

Ылғалдылығы:

77-80%-дай ылғалдылық болуы қажет, жиі су бүркіп тұрған абзал.

Қоректендірілуі:

Көктем, жаз кездерінде екі аптада бір рет минералды және органикалық тыңайтқышпен қоректендіреді.

Аурулары:

Негізінен кене зиян келтіреді, оған қарсы инсектицидтер қолдану қажет.

Көбейтілуі:

Қалемше және тұқымы арқылы көбейтіледі.

Сілтемелер

• Гүлстан, өсімдіктер туралы сайт Мұрағатталған 20 ақпанның 2012 жылы.

Дереккөздер

"Гүлстан" республикалық ғылыми-танмыдық, көпшілік журнал, 2010 жыл ISSN 2078-6727