Стимфалия құстары

Стимфалия құстары — ежелгі грек мифологиясындағы жыртқыш құстар, Стимфал қаласының жанында мекен еткен. Оларды Арес өсірген және қанаттары, тұмсықтары, тырнақтары мыстан жасалған. Олар адамдарға да, жануарларға да шабуылдаған. Олардың ең қорқынышты қаруы қауырсындары. Құстар қауырсындарын жерге садақтай тастаған. Олар айналасындағы егінді жеген, адамдарды да жеуден тайынбаған.

Гераклдың үшінші ерлігі

Эврисфей патшаның Гераклға тапсырған үшінші тапсырмасы стимфалия құстарын жеңу еді. Бұл тапсырманы орындауға батырға Афина көмектесті, ол Гераклға Гефестпен соғылған, екі мыс тимпан берді. Афина оған тимпандарды(дабыл) құстардың ұясының жанына орнатып, оларға соғуды тапсырды. Сол уақытта құстар аспанға көтеріліп, қауырсындарын тастай бастады, бұл кезде құстар өте осал болады. Геракл сәтті қолданып, оларға ата бастады, құстардың бір бөлігі құлап, бір бөлігі үркіп қашып кетіп, оралмады.