Суда жүзетін құстар мен сулы батпақты өңірлерді зерттеу жөніндегі халықаралық бюро

Суда жүзетін құстар мен сулы батпақты өңірлерді зерттеу жөніндегі халықаралық бюро— 1954 жылы құрылған. Қатысушылары — 44 мемлекет. Мақсаттары —халықаралық ғылыми-техникалық ынтымақтастықты дамыту және үйлестіру арқылы сулыбатпақты өңірлерді және сулы-батпақты экожүйелердің биологиялық әралуандығын, әсіресе, суда жүзетін және сужағалаушы құстарды қорғауға жәрдемдесу. Негізгі қызметі — сулы батпақты өңірлерді бағамдау және мониторинг (түгендеу) жөніндегі жобаларды жүзеге асыру; құстарды халықаралық есепке алу (100-ден астам елде); құрып кету қатері төнген кұстардың түрлері туралы мәліметтерге салыстырмалы талдау жасау; жекелеген түрлер мен топтарды қорғау жөніндегі іс-қимыл жоспарларын дайындау; бірқатар халықаралық конвенцияларды, соның ішінде негізінен суда жүзетін құстардың мекен орны ретінде халықаралық маңызы бар сулы-батпақты өңірлерді қорғау жөніндегі конвенцияны қолдау; жиырма ғылыми топ шеңберінде халықаралық сараптау беру; оқыту, ақпарат тарату жөніндегі бағдарламаларды жүзеге асыру.