Судың сарқылуы

Судың сарқылуы - адамдар әрекетінің әсерінен су мөлшерінің тұрақты сипатта кемуі. Су көздерінің ластану дәрежесі судағы зиянды қоспалардың шоғырлануымен анықталады және халық шаруашылығы салаларының талаптарына сәйкес бағаланады. Ең қатаң талаптар су пайдаланудың шаруашылық — ауыз су және мәдени-тұрмыстық салаларына қойылады. Себебі ластануды бірінші кезекте адамдардың денсаулығына катерлі екендігінде және олардың өмірлерінің санитариялық жағдайының нашарлауына әкеліп соғуының мүмкін болуында. Төмендегі көрсеткіштер судың жай-күйінің ең маңыздылары болып саналады. Денсаулық сақтау министрлігі енгізген судағы зиянды заттардың шоғырлануының мүмкіндік шегі (ШМШ) қазіргі кездегі су- санитариялық заңның негізі болып табылатын негізгі гигиеналық шама. ШМШ-ның шамалары (мг/л) су көздеріне түсуі мүмкін барлық заттар үшін жасалған. Мысалы, бензол үшін ШМШ 0,5 мг/л-ге тең, қорғасын үшін — 0,1, сынап үшін — 0,05, темір үшін — 0,5, бензин үшін — 0,1 мг/л-ге тең. Ластану дәрежесі ШМШ- дан жоғары ақаба суларды су көздеріне құюға қатаң тыйым салынған.

Судың сарқылуын анықтау

Судың сарқылуын анықтау.Белгілі бір аймақ шегінде жер беті су ағысының ең төмен шегінің азаюы немесе жер асты су қорларының қысқаруы судың сарқылуы болып табылады. Су тоғанының сарқылуын су ресурстарын басқаратын, геология және жер қойнауын қорғайтын мемлекеттік органдар белгілейді.