Су басу зонасы

Су басу зонасы (зона затопления) — күшті толқынның пайда болуынан, гидротехникалық құрылыстар бұзылған кезде, нөеер жауын және қар еріген кезде, сондай-ақ жер сілкінуі кезінде пайда болған су тасқыны басып қалған аймақ. Су басуы кезінде елді мекеннін едәуір аумағы, өнеркәсіп және ауыл шаруашылығы объектілері, көлік жүйелері, байланыс және электр жүйелері су астында қалуы мүмкін. Су басуын болдырмау немесе оның зардабын азайту мақсатында дер кезінде ұйымдастырушылық және инженерлік-техникалық шараларды (тасбөгеттер, бөгеттер және басқа гидротехникалық құрылыстар салу, су айдау жүйелерін т.б. тұрғызу) жүзеге асыру керек. Құтқару және авариялық-қалпына келтіру жұмыстарын жүргізуді алдын ала АҚ Бастықтарының басшылығымен тиісті штабтар мен қызметтер жоспарлайды. Жоспарларда осы аймақта тұратын халықты хабарландыру; көшіру мәселесі; құтқару және шұғыл авариялық қалпына келтіру жұмыстарын ұйымдастыру; медициналық және басқа шұғыл көмектер көрсету тәртібі; тартылатын күштер мен құралдарды, басқаруды ұйымдастыру көзделінеді.