Су бүргесі

Су бүргесі
Су бүргесінің құрылысы
Ғылыми топтастыруы
Дүниесі: Жануарлар Жамағаты: Буынаяқтылар Кіші жамағаты: Шаянтәрізділер Табы: Желбезекаяқты шаянтәрізділер‎ Сабы: Бұтақмұртты шаянтәрізділер‎ Тұқымдасы: Су бүргелері‎ Тегі: Daphnia Müller, 1785
Өзге түрі
> 200 spp.
Subgenera
Australodaphnia Colbourne et al., 2006 Ctenodaphnia Dybowski & Grochowski, 1895 Daphnia O. F. Müller, 1785
Синонимдері
Cephaloxus Sars, 1861 Dactylura Brady, 1898 Daphniopsis Sars, 1903 Hyalodaphnia Schoedler, 1866 Leiodaphnia Dybowski & Grochowski, 1895

Су бүргелері, дафния (Daphnіa) – бұтақмұртты шаянтәрізділер туысы. Тұщы су айдындарында планктонды тіршілік етеді. Дүние жүзінде 26 түрі, Қазақстанда 4 түрі aнықталған. Денесі мөлдір, жұқа карапакс қабатты, ұзындығы 1 – 3 мм. Aнтеннулары қысқа, аналықтарында тұрақты, ал аталықтарында қозғалмалы болады. Ұзын, екі бұтақты антеннулары арқылы секіріп қозғалады (аты осыған байланысты қойылған). Су бүргелерінің басқа бұтақмұртты шаяндардан гетерогониялық даму жолдары арқылы ерекшеленеді. Аналықтары партеногенетикалық жолмен жаздың басында, ал аталықтары күзде жетіледі. Су бүргелеріне цикломорфоз (тіршілігінің жыл мезгіліне қарай өзгеруі) тән. Мысалы, бас пішінінің домалақ болуы – төмен температураға, сүйір болуы – жоғары температураға байланысты. Су бүргелерімен омыртқасыздар, балық шабақтары қоректенеді.