Сфигмос
Адамның қан айналымы жүйесіндегі қысым арнайы құрал сфигмоманометрмен (грекше сфигмос - жүрек соғуы) немесе қазір тонометр деп аталатын құралмен өлшенеді. Бұл құрал адамның қолына кигізілетін манжеттен, манжеттегі қысым тудыруға арналған алмұрт пішіндегі құрылғыдан және манжеттегі ауа қысымын өлшейтін манометрден тұрады. Сондай-ақ сфигмоманометр (танометр) манжеттегі ауаның өзгерісін тіркейтін стетоскоппен немесе электрондық құрылғымен жабдықталады. Қазіргі кезде артериалдық қысымның көрсетуін автоматты түрде тіркейтін және электрондық таблосы бар танометрлер шығарылады. Қан қысымының жоғары немесе төмен болуын білу оны өзгеріске ұшырататын ауруларды дәл анықтауға көмектеседі. Дені сау адамның қанының жоғары қысымы 110 - 120 мм сынап бағанасы (сын. бағ.), төменгісі 70 - 80 мм сынап бағанасы(сын. бағ.) шамасында болады.
Дереккөздер[өңдеу | қайнарын өңдеу]
"Физика және астрономия" Жалпы білім беретін мектептің 7-сыныбына арналған оқулық Р.Башарұлы; У.Тоқбергенова; Д.Қазақбаева. Алматы "Атамұра" 2012ж.