Сыздықов атындағы көше (Алматы)

Сыздықов атындағы көше. Көшеге қазақ жазушысы Жақан Сыздықовтың есімі (Алматы қаласы мәслихаттың 24.12.2003 №27 шешімі мен Алматы қаласы әкімшілігінің 26.12.2003 №5/765 қаулысы) берілген. Сыздықов Жақан (1901-1977) Көкшетау облысының Чкалов ауданы Аймақ ауылында дүниеге келген. Ол «Бостандық туы», «Қызыл Түркістан», «Оңтүстік Қазақстан», «Сталин жолы» т.б. газеттерінде жауапты жұмыс атқарған. Л.Толстой, Г.Токай шығармаларын қазақ тіліне тәржімалаған. Көше Әуезов ауданындағы Ақбұлақ шағынауданында орналасқан. Бұрынғы атаулары: а) 2-ші; ә) Новая көшелері. Көшенің ұзындығы - 700 метр.