Сычуань жер сілкінісі (2008)
| 2008 жылғы Сычуань жер сілкінісі | ||
|---|---|---|
| ||
| Күні мен уақыты |
2008 ж. мамырдың 12 | |
| Магнитудасы | 8.0 Mw / 8.0 Ms | |
| Тереңдігі | 10 kilometres (6 mi) | |
| Эпицентрі | 31°01′16″ с. е. 103°22′01″ ш. б. / 31.021° с. е. 103.367° ш. б. (G) (O) (Я) | |
| Зардап шеккен елдер |  Қытай
| |
| Зардап шеккендер | ≥69107 dead (preliminary)[1] | |
2008 жылғы Сычуань жер сілкінісі — мамырдың 12-ші күні таңғы сағат 7-де Қытайдың Сычуань өлкесінде болған жер сілкінісі кезінде он мыңнан астам адам қаза болды, деп хабарлаған болатын Қытай Халық Республикасының азаматтық әкімшілік министрлігінен. Келесі күні «Синьхуа» агенттігі, жергілікті уақыт бойынша 15:10-да 6,1 ұпайлық жер сілкінісі осы өлкеде тағы да қайталанғанын хабарлады.
Эпиорталығы
[өңдеу | қайнарын өңдеу]Зілзаланың эпиорталығы Алматы қаласының оңтүстік-шығысына қарай 3 мың км қашықтықта, 104° шығыс бойлық пен 30° солтүстік ендікте болған. Алматы қаласындағы Орталық сейсмикалық обсерваторияның кезекші операторы жер асты дүмпуінің күштілігі Рихтер бағанасы бойынша 8.0 балды көрсеткен.
Салдары
[өңдеу | қайнарын өңдеу]Сілкініс зардабынан 69,107 құрбан және 373,577 жарақатталған ресми түрде расталған. Жер сілкінісі жұрт енді ұйқыдан оянып, жұмысқа жиналып жатқан уақытта болған. Зілзаладан Сычуань тұрғындары ғана емес, Гансу, Шенси, Юннан, Шанси, Гуйчжоу, Хубейдің өлкелері да қатты зардап шеккен.
«Чайна дейли» үнжариясының хабарына қарағанда, құтқару жұмыстарына ҚХР Мемлекеттік кеңесінің премьері Вын Зәбау басшылық жасап отыр. Құрбан болғандар туралы нақты деректер жоқ, өйткені жер сілкінісінің эпиорталығына жақын орналасқан елді мекендерге баратын жолдарды үйінді басып қалған, өту мүмкін емес көрінеді. Электр желілерінің, байланыс құралдарының істен шығуына байланысты бұл аудандармен байланыс жасау мүмкін емес. «Чайна дейлидің» мәліметіне қарағанда, құтқарушылардан және медицина қызметкерлерінен құрылған жедел жәрдем топтары зардап шегушілерге көмек көрсету үшін кейбір аудандарға парашютпен түсірілмек. Құтқару жұмыстарына әскери тікұшақтар да жұмылдырылған.
Қытайдағы ең күшті жер сілкінісі 1976 жылы Таңшан қаласында болды. Ол кезде 240 мың адам қаза тапқан екен. Адам өлімі жағынан одан кейінгі орынды Сычуань өлкесіндегі зілзала алады.
Қазақстанда
[өңдеу | қайнарын өңдеу]Сычуань өлкесінде болған осы жолғы жер асты дүмпулері Қазақстан жерінде сезілген жоқ.
- ↑ Search for China quake survivors. BBC News (2008-05-13). — «"The death toll is now nearly 12,000, an official said, and looks set to rise."» Тексерілді, 13 мамыр 2008.