Сүйем

Уикипедия — ашық энциклопедиясынан алынған мәлімет
Jump to navigation Jump to search

Сүйем Бас бармақ пен сұқ қол аралығымен өлшенетін мәлшер осылай аталады. «Қазақ жауынгерлері Украина, Белоруссия, Кавказ жерлерін өзіміздің жер, Отан жері деп бағалап, оның әрбір сүйемі үшін жаумен жан аямай жұлқысты» (Р. Ыдырысов, Отты жыл.). Қырғыз тілінде осы мағынаны «сөөм» сөзі ұғындырады. Осы тіл дерегіне одан әрі зер салсақ, «сеәмей» тұлғасын кездестіріп, мағынасы — біздегі «сұқ қол» екенін білеміз. Дыбыстық құрамы жағынан осы тұлғалас якут тіліндегі «сөмүйә» сөзі «сұқ қол» мағынасында ұшырасады. Тунгус-маньчжур тобындағы тілдердің кейбіреуінен де осыны байқаймыз. Тілдік деректер мәліметін қорыта келгенде, «сүйем» сөзінің алғашқы мағынасы — сұқ қол. Ал бізде соның қатынасымен жүргізілетін өлшемде ғана сақталған.[1]

Дереккөздер[өңдеу]

  1. Бес жүз бес сөз.— Алматы: Рауан, 1994 жыл. ISBN 5-625-02459-6