Сұлтанбек Нұржанұлы

Сұлтанбек Нұржанұлы (1933 жылы туған, Маңғыстау ауданы, Шайыр ауылы) — экономист. Алматы халық шаруа институтын (қазіргі Қазақ экономика университеті) бітірген. 1958–1961 жылдары аудандық мал дайындау мекемесінде бухгалтер, 1961–1972 жылдары аудандық кеңес атқару комитетінің хатшысы, 1972–1975 жылдары «Октябрьдің 40 жылдығы» кеңшарының директоры, 1975–1987 жылдары аудандық ауыл шаруашылығы бөлімінің меңгерушісі, Шетпе автоколоннасының бастығы, аудандық коммуналдық кәсіпорындар комбинатының директоры, кино жүйесі дирекциясының директоры болды. «В.И. Лениннің туғанына 100 жыл» медалімен марапатталған (1970).