Сұр елтірі

Сұр елтірі - қаракөл елтірісінің бір түрі. Сұр елтірінің жүн талшығы ұзына бойына көзге анық түрлі түсті болады: жүн талшығының түп жағы қарадан қоңыр немесе қызыл қоңырға дейін өзгереді, ал талшығының ұштары күміс түсті ашық немесе алтын түсті сарғыш болады да, ашық сарғыштан күңгірт алтын-сарыға немесе мүк, болат түсіне дейін өзгеріп тұрады. Кейде талшығы ұзына бойына екі немесе үш түсті де болады. Осылардың ара қатынасына байланысты әр түрлі өң-түс беруінің нәтижесінде сұр елтірінің түсі ерекше әдеміленіп, құлпырып, өзгеріп тұрады. Осыған орай сұр елтірінің күміс, алтын, платина, янтарь, болат, шам-шырақ, өрікгүл сияқты реңділері болады.Сұр елтіріні сұр қаракөл қойының төлінен өңдіреді.