Сәрсенбай Сәлменұлы Әлиев

Әлиев Сәрсенбай Сәлменұлы — 1954 жылы Атырау облысында туған.

• 1978 жылы Алматы көркем сурет училищесін,
• 1985 жылы Алматы Мемлекеттік театр және көркем сурет институтын бітірді.
• 1986 -1988 жылдары "Мектеп" баспасында көркемдеуші редактор қызметін атқарды.
• 1988 - 1991 жылдары Қазақ Совет Энциклопедиясында көркемдеуші редактор болып қызмет жасады.
• 1991 - 1993 жылдары "Ана тілі" баспасында көркемдеуші редактор болды.
• 1990 жылдан бері Қазақстан Журналистер Одағының мүшесі.

Осы аталған баспаларда істей жүріп бірнеше кітаптардың безендірушісі болды: "Жазушы" баспасында Д.Досжановтың "Жолбарыстың сүрлеуі" романын, Б.Молдашевтың "Аманкелді Сарбаздары", "Жалын" баспасында балаларға арналған "Жыл бойы" жылнамасын, Д.Сүлейменовтың "Тентектер", Асабаевтың "Мүбар Ханым" повесін, "Мектеп" баспасында К.Бекхожиннің "Дала Комиссарын", Арғыновтың "Ана тілін, 3 кл" "Қазақ Совет Энциклопедиясында" "Шаңырак", "Ақмола", "Негеш" энциклопедияларының ғылыми көркемдеуші редакторы болды.