Сәттібек Оңғарбаев

Уикипедия — ашық энциклопедиясынан алынған мәлімет
Jump to navigation Jump to search

Сәттібек Оңғарбаев (27.12. 1949 ж.туған, Ордабасы ауданы Боралдай ауылы ) – заңгер, 3-сыныпты мемлекет әділет кеңесшісі. 1974 жылы Свердлов заң институтын бітірген. 1974–79 жылдары Дзержинск ауданы прокуратурасында тергеуші. 1979–84 жылдары Талдықорған облысы прокуратурасының тергеу бөлімінің прокуроры, Андреев, Қаратал ауданының прокуроры, 1984–86 жылдары Қазақстан КП Талдықорған облысы комитетінің әкімшілік бөлімінің нұсқаушысы. 1986–93 жылдары Талдықорған облысы прокурорының орынбасары. 1993–94 жылдары Қазақстан Республикасының Бас прокуратурасының сот қаулыларының заңдылығын қадағалау жөніндегі басқарма бастығы. 1994–96 жылдары Талдықорған, Шығыс Қазақстан облысының прокуроры. 1996–2001 жылдары Қазақстан Республикасының Бас прокурорының орынбасары, 2001–2002 жылдары Алматы облысының прокуроры. 2002 жылдан Алматы қаласының прокуроры. «Қазақстан Республикасы прокуратурасының құрметті қызметкері», «Қазақстан Республикасы прокуратурасы органдарына 10 жыл» белгілерімен марапатталған.

Дереккөздер[өңдеу]

"Оңтүстік Қазақстан Энциклопедиясы"