Сәт Ниязбекұлы

Сәт Ниязбекұлы (1855-1922) - қоғам кайраткері, 1916 жылғы ұлт-азаттық көтеріліс басшыларының бірі. Жас кезінен билікке араласып, 1891 жылы 15 маусымда Жетісу облысы әскери губернаторының бұйрығымен болыс болып тағайындалды («Семиреченские областные ведомости», 1891, 22 маусым, №25). Сәт осыдан кейін де үш мәрте болыс болып сайланған. 1916 жылғы ұлт-азаттық көтерілісін ұйымдастырушылардың бірі ретінде 23 адаммен бірге түрмеге қамалып, Ақпан төңкерісінен кейін абақтыдан шыкты. Кеңес өкіметі орнаған соң бай-кулактар тізіміне еніп, тағы да қамауға алынғанда О.Жандосовтың кепілдігімен бостандыққа шыққан.