Сәуір көтерілісі (Болгария)

Сәуір көтерілісі (1876 ) - Болгарияда 1876 жылы 18 сәуірден 23 мамырға дейін болған ұлт-азаттық және антифеодалдық көтеріліс. Негізгі қорғаушы күші шаруалар мен қолөнершілер болды. Оны сол кезде Джурджу қаласында болған Болгар революциялық орталық комитеті мен Болгарияның өз ішіндегі революциялық комитеттері әзірледі. Олар елді рев. 4 округқа бөліп, жаппай көтерілісті 1876ж. 1 майда бастамақ болды. Бірақ құпияның сақталмауынан, округтарға жасырын жиналысқа қатысушылардың бірінің опасыздығынан түрік өкіметі көтерлістің әзірленіп жатқанын біліп қойды. Сондықтан оны белгіленген мерзімнен бұрын бастауға ұйғарылды. Көтеріліс әсіресе оңтүстікте кең өріс алды. Оған Т. Каблешков, Г. Бенковский басшылық етті. Көтерілісшілерді түрік әскерлері аяусыз талқандады. Х.Ботев Румыниядан жасақтап әкелген көтерілісшілердің соңғы отряды да жеңілді.

Болгарияның ірі буржуазиясы А. к-не қарсы болды. А. к жеңілгенімен, түрік феодалдарының Болгариядағы үстемдігі қатты әлсіреді. Мұның өзі болгар халқының ұйымдасып қимыл жасаған жағдайда жеңіске жететіне сенім туғызды. Көтеріліс халықаралық саяси жағдайдың шиеленісуіне, Орыс - түрік соғысының ( 1877-1878 ) тууына түрткі болды.Бұл соғыстың нәтижесінде Болгария түрік езгісінен азат етілді.