Тайпақ кәсіптік мектебі

Ақжайық ауданындағы бастауыш кәсіптік білім беретін оқу орны. 1961 ж. 7 нау рызда 184-Калмыков ауылы шаруашылығын механикаландыру училищесі ретінде ашылған. Бастапқы кезде «Краснояр», «Котельников» кеңшарлары училищенің базалық кәсіпорындары болды. Сонымен қатар аудандағы 6 елді мекенде филиалдары ашылды. Мәселен, Олеңті атындағындағы филиал жетекшісі Т. Бисеновтің — ауыл шаруашылығы өндірісі мамандарын даярлаудағы еңбегі жоғарғы бағаланып, есімі республикалық «Алтын кітапқа» жазылды, сондай-ақ осы шаруашылық директоры Т.Сұлтанғалиев КСРО кәсіптік білім беру ісінің үздігі аталды. 1965 ж. 20 шілдеде оқу орны 184-Тайпақ селолық кәсіптік техникалық училищесі болып өзгерді. Училищенің сол кездегі түлегі, есенсайлық тракторшы қыз Райхан Мамаева Бүкіл одақтық 480 жас механизаторлар жарысында 1-орынға шығып, Минск зауытынан атаулы трактор алу құрметіне бөленді. 1996 жылғы 17 маусымнан училище «кәсіптік мектеп» деп аталады.