Талды ауданы

Аудан
Талды ауданы
Әкімшілігі
Ел	Қазақ КСР
Кіреді	Қарағанды облысы
Енеді	7 ауылдық кеңес, 1 кент
Әкімшілік орталығы	Қарағайлы
Тарихы мен географиясы
Құрылған уақыты	1977—1988
Тұрғындары
Тұрғыны	22 699 адам (1979)

Талды ауданы — 1977-1988 жылдары болған Қарағанды облысы құрамындағы әкімшілік-аумақтық бірлік. Орталығы — Қарағайлы кенті.

Тарихы

Талды ауданы 1977 жылы 15 ақпанда Қарағанды облысының құрамында құрылды. Оның құрамына Егіндібұлақ ауданының Алғабас ауылдық кеңесі мен Қарқаралы ауданының Ақтайлақ, Бақты, Қайнарбұлақ, Қырғыз, Томар, Фрунзе ауылдық кеңестері және Қарағайлы кенті кірді.

Ауданда 7 кеңшар, 1 кент, 7 ауылдық кеңес болды. Қарағайлы кен-байыту комбинаты жұмыс істеп тұрды. Оған темір жол тартылды. 1977 жылдан қазақ және орыс тілінде «Шұғыла»—«Восход» газеті шығып тұрды.

1988 жылы 20 шілдеде Талды ауданы таратылды. Сонымен бірге оның аумағы Егіндібұлақ пен Қарқаралы аудандары арасында бөлінді.

Әкімшілік бөлінісі

1986 жылғы мәлімет бойынша аудан құрамында 7 ауылдық, 1 кенттік кеңес пен 28 елді мекен болған:

Әкімшілік бірлік	Орталығы	Елді мекендері
Ақтайлақ ауылдық кеңесі	Татан ауылы	Айнабұлақ, Қараағаш, Татан
Алғабас ауылдық кеңесі	Доғалаң ауылы	Доғалаң, Киікқашқан, Қызылжал
Бақты ауылдық кеңесі	Бақты ауылы	Айбыз, Бақты, Талдыбай, Шолаққайың
Қайнарбұлақ ауылдық кеңесі	Айбыз ауылы	Айбыз, Жалпақшілік, Милыбұлақ, Саз
Қарағайлы кенттік кеңесі	Қарағайлы кенті	Қарағайлы
Қырғыз ауылдық кеңесі	Бүркітті ауылы	Борлыбұлақ, Бүркітті, Жәнібек, Кент, Талдинка
Томар ауылдық кеңесі	Томар ауылы	Айғыржал, Ошан, Томар
Фрунзе ауылдық кеңесі	Талды ауылы	Ақбай-Қызылбай, Аққора, Белдеутас, Сарыобалы, Талды